މޯލްޑިވްސް އެސޯސިއޭޝަން އޮފް އެޗްއާރް ޕްރޮފެޝަނަލްސް (މާޕް)ގެ އާ ހިންގާ ކޮމިޓީ އިންތިޚާބުކޮށްފިއެވެ.
މާޕްގެ އާ ހިންގާ ކޮމިޓީ އިންތިޚާބުކޮށްފައިވަނީ އެ ޖަމިއްޔާގެ ހަވަނަ އަހަރީ އާންމު ޖަލްސާގައެވެ.
މާޕްގެ އެގްޒެކެޓިވް ކޮމިޓީ (އެކްސްކޯ) ހިންގަނީ ދެ އަހަރުގެ ދައުރަކަށެވެ. އެއީ، މުޅި ރާއްޖޭގައި ހިއުމަން ކެޕިޓަލް އެކްސެލެންސް ކުރިއެރުވުމަށް އަމާޒުކޮށްގެންނެވެ.
މި މަހުގެ 16ވީ ހޮނިހިރު ދުވަހުގެ ރޭ ބޭއްވި އެ ޖަމިއްޔާގެ ހަވަނަ އަހަރީ އާންމު ޖަލްސާގައި މާޕްގެ މެންބަރުންނާއި އެގްޒެކެޓިވް ކޮމިޓީއާއި އެޑްވައިޒަރީ ކޮމިޓީގެ އިތުރުން މުހިންމު ކޯލަބަރޭޓަރުން ވަނީ ބައިވެރިވެފައެވެ. ބައްދަލުވުމުގައި ކުރިއަށް ރާވާފައިވާ ކަންކަމާ މެދު މަޝްވަރާކޮށްފައިވެއެވެ.
މި ހަރަކާތް ފެށީ މާޕްގެ ރައީސް އަހުމަދު އިބްރާހިމް ދެއްވި ޚިޠާބަކުންނެވެ. އޭނާ ވަނީ ދިވެހިރާއްޖޭގެ ޖަމިއްޔާތަކުގެ ތެރެއިން ޕްރޮފެޝަނަލް ސްޓޭންޑަޑްތަކާއި ލީޑަޝިޕް މަތިކުރުމަށް މާޕްގެ މިޝަނާއި ތަސައްވުރު އެއްގޮތްކުރުމުގެ މުހިންމުކަން ފާހަގަކުރައްވާފައެވެ.
މާޕްގެ ހަވަނަ އަހަރީ އާންމު ޖަލްސާގެ ތެރެއިން --- ފޮޓޯ/ މާޕް
މާޕްގެ ނައިބު ރައީސް ފޯ މެމްބަޝިޕް އެންޑް ގްރޯތް ހުސައިން އަފީފް ވަނީ މާޕްއިން ދާދި ފަހުން ފަށާފައިވާ މަސައްކަތްތަކުގެ އޯވާވިއުއެއްދެއްވައި، ކުރިއަށް އޮތް ދައުރަށް ކުރަން ރާވާފައިވާ ސްޓްރެޓެޖިކް ކަންތައްތައް ފާހަގަކުރައްވާފައެވެ.
އެގޮތުން، ފާހަގަކޮށްލެވޭ މަޝްރޫއުތަކުގެ ތެރޭގައި މާޕްގެ ކޮމްޕެޓެންސީ ފްރޭމްވޯކް ފޯ އެޗްއާރު ސްޓޭންޑަޑްސް ތައާރަފުކުރުމާއި، ގައުމީ އެޗްއާރު ސާވޭތަކާއި، އެޗްއާރު ކެޕޭސިޓީތަކާ ބެހޭ ދިރާސާތައް ހިމެނެއެވެ.
މާޕްގެ އާ ހިންގާ ކޮމިޓީ އިންތިޚާބުކުރުމުގެ މަސައްކަތް ކުރިއަށް ގެންދިޔައީ އެތެރޭގެ ކޮމިޓީއެއްގެ ބެލުމުގެ ދަށުން، އެޗްއާރަށް ޝައުގުވެރިކަން ހުންނަ އައިޝަތު ތަޝްކީލްއާއި ހެޕީނެސްގެ ލީޑް އަދި ކޯޗު މުހައްމަދު ޝިހާބު އިސްކޮށް ހުންނަވައިގެނެވެ.
އަލަށް އިންތިޚާބުކުރި މާޕްގެ ހިންގާ ކޮމިޓީގެ ތެރޭގައި ހިމެނެނީ:
- އަޙްމަދު އިބްރާހިމް – ރައީސް
- ހުސައިން އަފީފް – ގްރޯތްގެ ނައިބު ރައީސް
- އައިޝަތު ނިހާ – މެންބަރުކަމުގެ ނައިބު ރައީސް
- އަލީ އާދަމް – ޖެނެރަލް ސެކްރެޓަރީ
- އާމިނަތު ޝާޒްނީ – ސެކްރެޓަރީ
- އިބްރާހިމް ޝަރީފް – ޓުރެޝަރާ
- ފަޒްލާ އަޙްމަދު – އެގްޒެކެޓިވް ކޮމިޓީގެ މެންބަރު
- ފާތިމަތު ރަޝާ – އެގްޒެކެޓިވް ކޮމިޓީގެ މެންބަރު
- ފަހުދުއްލާ ޔާމީން – އެގްޒެކެޓިވް ކޮމިޓީގެ މެންބަރު
- ފާތިމަތު އުނައިފަތު އަޙްމަދު – އެގްޒެކެޓިވް ކޮމިޓީގެ މެންބަރު
- ޝެހާން ރާޖަސިންހެ – އެގްޒެކެޓިވް ކޮމިޓީގެ މެންބަރު
އަލަށް އިންތިހާބުކުރި މާޕްގެ ހިންގާ ކޮމެޓީ --- ފޮޓޯ/ މާޕް
މާޕްގެ ރައީސް އަހުމަދު އިބްރާހީމް ވަނީ ގައުމުގެ އެންމެ ޕްރެޝަރު އެޗްއާރު ގޮންޖެހުންތަކަށް ހައްލެއް ހޯދުމަށް މާޕްއިން ވައުދުވެފައިވާކަން އަލުން ކަށަވަރުކޮށްދެއްވާފައެވެ.
މަސައްކަތުގެ މާހައުލުގައި ކުރިއެރުމާއި ހިއުމަން ކެޕިޓަލް ތަރައްގީގެ ބެންޗްމާކެއްގެ ގޮތުގައި ދިވެހިރާއްޖެ ޕޮޒިޝަން ކުރުމަށް ކޯލަބަރޭޓަރުންނާއި ސްޓޭކްހޯލްޑަރުންގެ ޖަމާޢަތުގެ އެއްބާރުލުމަށް އޭނާ ވަނީ ގޮވާލާފައެވެ.