ކ. މާފުށި ކައިރިއަށް ޑައިވިންއަށް ގޮސް އުޅުނު، ފަތުރުވެރިއަކަށް މިޔަރެއް ހަމަލާދީގެން ފަރުވާ ދޭން ފަށައިފިއެވެ.
މިއަދު މިޔަރު ހަމަލާދިނީ ޗައިނާގެ 45 އަހަރުގެ އަންހެން ފަތުރުވެރިއަކަށެވެ.
މީޑިއާތަކާ ހިއްސާކުރި މެސެޖެއްގައި ފުލުހުން ބުނީ މާފުށިން ޑައިވިންއަށް ދިޔަ ފަތުރުވެރިއަކަށް މިޔަރެއް ހަމަލާދީގެން ހޮސްޕިޓަލަށް ގެންގޮސްފައިވާ ކަމުގެ މައުލޫމާތު ލިބިގެން ފުލުހުން އެޓެންޑުވެފައިވާ ކަމަށެވެ.
އަދި ޓްރީޓޮޕް ހޮސްޕިޓަލްގައި އެމީހާއަށް ފަރުވާދެމުންދާ ކަމަށް ފުލުހުން ބުންޏެވެ.
އަދި ހޮސްޕިޓަލާ ހަވާލާދީ އޭނާގެ ހާލަތު ރަނގަޅު ކަމަށް ފުލުހުން ބުންޏެވެ.
މީގެ ކުރިން ވެސް މިޔަރު ހަމަލާ ދީގެން މީހުންނަށް އަނިޔާވެ، ދުނިޔެ ދޫކޮށްފައި ވެސް އެބަހުއްޓެވެ.