ތައުލީމީ ދާއިރާއިން މަތީ ދަރަޖަ ހޯދި 40 މީހަކަށާއި އިނާމު ދެއްވައި، ދައުލަތަށް ދިގު މުއްދަތަކަށް ޚިދުމަތްކުރެއްވި 53 މީހުންނަށް ރައީސުލްޖުމްހޫރިއްޔާ ޑރ. މުޙައްމަދު މުއިއްޒު މިރޭ އެވޯޑު ދެއްވައިފިއެވެ.
ޖުމްހޫރީ ދުވަހުގެ މުނާސަބަތުގައި މިރޭ ބޭއްވި ޖަލްސާގައި އޭބޭފުޅުންނަށް ރައީސް މުއިއްޒު ވަނީ މެޑެއްޔަކާއި ހަނދާނީ ލިޔުމެއް ދެއްވާފައެވެ.
އިނާމު ލިބުނު ބޭފުޅުންގެ ތެރޭގައި ތެރޭގައި ޤައުމީ ސަނަދުތަކުގެ އޮނިގަނޑުގެ ލެވެލް-10 ގެ ސަނަދެއް ހާސިލުކުރުމުގައި ފާހަގަކޮށްލެވޭ ކާމިޔާބެއް ހޯދައިފައިވާ ދެ ބޭފުޅަކާއި ޤައުމީ ސަނަދުތަކުގެ އޮނިގަނޑުގެ ލެވެލް 7 ނުވަތަ ލެވެލް-8 ނުވަތަ ލެވެލް-9 ގެ ސަނަދެއް ހާސިލުކުރުމުގައި އެންމެ މަތީ ވަނަ ހޯދައިފައިވާ 38 ބޭފުޅަކު ހިމެނެއެވެ.
މަތީ ދަރަޖަ ހޯދި 40 ބޭފުޅަކަށް އިނާމު، ދިގު މުއްދަތަކަށް ޚިދުމަތް ކުރި 53 ބޭފުޅުންނަށް އެވޯޑު ދީފި ---- ފޮޓޯ/ ރައީސް އޮފީސް
މިގޮތުން، ގައުމީ ސަނަދުތަކުގެ އޮނިގަނޑު ލެވެލް 10ގެ ސަނަދު ހާސިލްކޮށް، ރައީސްގެ އެވޯޑު ކާމިޔާބު ކުރެއްވީ މއ. ޑޯންލައިޓް، . ޑރ، ޢާއިޝަތު ޝިނާއާއި ހުޅުމާލެ ފްލެޓް ނަންބަރު 03-ޖީ-89، ޑރ. ޚަދީޖާ ރަޝީދެވެ.
ތައުލީމީ ދާއިރާއިން އެވޯޑަށް 113 ބޭފުޅުން ހުށަހެޅި ނަމަވެސް، މިއަހަރު އެވޯޑު ދީފައި ވަނީ 40 ބޭފުޅުންނަށެވެ.
މީގެއިތުރުން، މި ޖަލްސާގައި ވަނީ 40 އަހަރަށްވުރެ ދިގު މުއްދަތެއްގައި ދައުލަތަށް ޚިދުމަތްކުރެއްވި 11 ބޭފުޅުންނާއި 35 އަހަރަށްވުރެ ދިގު މުއްދަތަކަށް ޚިދުމަތްކުރެއްވި 42 ބޭފުޅުންނަށް ޝަރަފުގެ ބެޖަކާއި ޝަރަފުގެ އައްޑަނައިގެ އިތުރުން ހަނދާނީ ލިޔުމެއް ދީފައެވެ.
ދިވެހި ދައުލަތަށް ޚިދުމަތް ކުރުމުގެ އިނާމު ދެއްވާނެ ބޭފުޅުން ކަނޑައެޅުމުގެ މަސައްކަތް ކުރީ ޤައުމީ އިނާމާބެހޭ ކޮމިޓީންނެވެ.