މަކުނު ވިދުރި އަދިވެސް ކޮންޓްރޯލު ނުވާ ކަމަށް, އެފްރިކާ ސެންޓާސް ފޯ ޑިޒީސް ކޮންޓްރޯލް އެންޑް ޕްރިވެންޝަން (އެފްރިކާ ސީޑީސީ) އިން ބުނެފައެވެ.
ސީޑީސީން ވަނީ ބަލި ކޮންޓްރޯލުމަށް ކުރުމަށް އިތުރު އެހީ ބޭނުންވާ ކަމަށެވެ.
"ހާލަތު އަދި ކޮންޓްރޯލް ނުކުރެވޭ. ކޭސްތައް އަދިވެސް ދަނީ އިތުރުވަމުން." އެފްރިކާ ސީޑީސީއިން ނަގާޝީ ގޮންގޯ ބުރާސްފަތި ދުވަހު ބޭއްވި ބްރީފިންގައި ވިދާޅުވިއެވެ.
އެފްރިކާގައި މަކުނު ވިދުރި ޖެހިގެން 1،100 އަށް ވުރެ ގިނަ މީހުން މަރުވެފައިވާއިރު، ޖެނުއަރީ މަހުން ފެށިގެން ގާތްގަނޑަކަށް 48،000 ކޭސް ރެކޯޑްކޮށްފައިވާ ކަމަށް ސީޑީސީން ބުނެއެވެ.
އެފްރިކާގެ ސިއްޚީ ނިޒާމުގައި ހުރި ބަލިކަށިކަންތައްތައް ހާމަކޮށްދިން ކޮވިޑް 19 ގެ ފަހުން އަނެއްކާވެސް އިތުރު ބޮޑު ބަލިމަޑުކަމެއް ކޮންޓްރޯލް ކުރަން އުދަނގޫވެފައިވާއިރު، ބައެއް ގައުމުތަކުގައި އަދިވެސް ދަނީ ކޭސްތައް އިތުރުވަމުންނެވެ.
މިހާތަނަށް އެފްރިކާގެ 19 ގައުމަކުން ވަނީ މަކުނު ވިދުރީގެ ކޭސްތައް ރިޕޯޓުކޮށްފައެވެ.
މަކުނު ވިދުރީގެ ފުރަތަމަ ކޭސް ފެނިފައިވާ ކަމަށް އިނގިރޭސިވިލާތުންވެސް ބުދަ ދުވަހު ވަނީ އިއުލާނުކޮށްފައެވެ. މަކުނު ވިދުރީގެ ކޭސްތައް ސްވިޑެން އަދި ޖަރުމަނުވިލާތުން ވެސް ވަނީ ފެނިފައެވެ.
މަކުނު ވިދުރީގެ ވައިރަސް އިންސާނުންނަށް ވާސިލު ވަނީ ބަލި ޖެހިފައިވާ ޖަނަވާރެއްގެ ފަރާތުންނެވެ. އިންސާނެއްގެ ހަށިގަނޑަށް މި ވައިރަސް ވަދެއްޖެނަމަ އެ ވައިރަސް ހުންނަ މީހެއްގެ ފަރާތުން އެހެން މީހުންނަށް ވެސް މި ވައިރަސް އަރައެވެ.