މޯލްޑިވްސް އިސްލާމިކް ބޭންކް (އެމްއައިބީ)އިން ހުކުރު ދުވަހު ހަވާއެރުވުމާއެކު ޚާއްސަ ހަރަކާތެއް ބޭއްވުމަށް ތައްޔާރުވެއްޖެއެވެ.
މި ހުކުރު ދުވަހުގެ ރޭ ހުޅުމާލޭ ސެންޓްރަލް ޕާކުގައި ބޭއްވުމަށް ހަމަޖެހިފައިވާ މި ހަރަކާތަކީ އެ ބޭންކަށް އައު ޕްރޮޑަކްޓްތަކެއް ލޯންޗްކުރުމަށް ބާއްވާ ހަރަކާތެކެެވެ.
މި ހަރަކާތް ބޭއްވުމަށް ހަމަޖެހިފައިވަނީ ހުކުރުދުވަހުގެ ރޭ 20:30 ގައެވެ. އަދި ހަވާއެރުވުމަށް ހަމަޖެހިފައި ވަނީ 20:30 އާއި 21:00 އާ ދެމެދުގައެވެ.
އެމްއައިބީން ވަނީ ހުކުރު ދުވަހުގެ ހަވީރު ހުޅުމާލޭ ސެންޓްރަލް ޕާކުގައި ކުޑަކުދީންގެ ހަވީރެއް ބޭއްވުމަށް ވެސް ނިންމައިފައެވެ. މި ހަރަކާތުގައި ކުޑަކުދީންނަށް ކަމުދާނެ އެކި ކަހަލަ ގޭމް ސްޓޯލްތައް ހުންނާނެ ކަމަށް އެ ބޭންކުން ބުންޏެވެ.