މީގެ 60 އަހަރު ކުރިން މީހަކު މަރާލިކަމުގެ ކުށް ސާބިތުވި ޖަޕާނު މީހަކު، މައުސޫމް މީހެއްގެ ގޮތުގައި ހުކުމުން ސަލާމަތްވެއްޖެއެވެ.
ކުށުން ސަލާމަތްވީ އުމުރުން 88 އަހަރުގެ އިވާއޯ ހަކަމާޑާއެވެ. އޭނާގެ މައްޗަށް ކުށް ސާބިތުވީ 1966 ވަނަ އަހަރު ހަތަރު މީހަކު މަރާލި މައްސަލައިގައި ދައުވާ ކުރުމުންނެވެ.
ހަކަމަޑާގެ މައްޗަށް ފުރަތަމަ ހުކުމް އިއްވުމާ ގުޅިގެން ޖަލުގައި 45 އަހަރު ހޭދަކުރިއެވެ. އެއީ، އޭނާގެ މައްޗަށް ކުރި ހުކުމަށް އަދަބު ނުދީ ޖަޕާނުގެ ސްޕްރީމް ކޯޓުން އެ ހުކުމް 1980 ވަނަ އަހަރާ ހަމައަށް ދެމެހެއްޓުމުންނެވެ. ހަކަމަޑާގެ މައްޗަށް ކޯޓުން ހުކުމްކުރީ 1968 ވަނަ އަހަރުއެވެ.
ކުރީގެ ބޮކްސިން ކުޅުންތެރިޔާ، ހަކަމަޑާގެ މައްޗަށް ތުހުމަތުކޮށްފައިވަނީ އޭނާގެ ކުރީގެ ވެރިޔާއާއި އާއިލާ ބައެއްގެ ގަޔަށް ވަޅި ހަރައި އެ މީހުންގެ ގެ އަންދާލިކަމުގެ ދައުވާއެވެ.
އެ މީހުން މަރާލި ކަމަށް އެންމެ ފުރަތަމަ އެއްބަސްވި ނަމަވެސް ހަކަމަޑާ ވަނީ އިއުތިރާފު އަނބުރާ ގެންގޮސް، ޝަރީއަތުގެ މަޖިލީހުގައި އޭނާގެ ކުށެއް ނެތް ކަމަށް ބުނެފައެވެ.
އޭގެ ފަހުން 2014 ވަނަ އަހަރު ކޯޓުން ވަނީ އޭނާ ދޫކޮށްލައި އަލުން ޝަރީއަތް ކުރުމަށް އަމުރުކޮށްފައެވެ. އެއަށް ފަހު މައްސަލަ އަލުން ބަލާފައި، ހަކަމަޑާގެ ކުށެއް ނެތް ކަމަށް ވަނީ ހުކުމްކޮށްފައެވެ.
އެމްނެސްޓީ އިންޓަނޭޝަނަލްއިން ވެސް ވަނީ ހަކަމަޑާ ސަލާމަތްވުމުން އުފާފާޅުކޮށް، ޖަޕާނުގައި މަރުގެ އަދަބު ދިނުން ހުއްޓާލަން ގޮވާލައިފައެވެ.