އިސްރާއީލާއި ހިޒްބުالله އާއި ދެމެދު ބަދަލުކުރަމުންދާ ހަމަލާތައް 21 ދުވަހަށް މެދުކަނޑައިލުމަށް އެމެރިކާ، ވިލާތުގެ އިއްތިހާދު (އީޔޫ) އަދި ގުޅިފައިވާ ގައުމުތަކުން ގޮވާލައިފިއެވެ.
އެ ގައުމުތަކުން ހަމަލާތައް ހުއްޓާލަން ގޮވާލައި ބަޔާނެއް ނެރުނީ އދ.ގެ އާންމު މަޖިލީހުގެ 79 ވަނަ ސެޝަންގެ ތެރެއިން ގައުމުތަކުގެ ލީޑަރުން ބައްދަލުކުރެއްވުމަށް ފަހުގައެވެ.
އެގާރަ މެމްބަރުންގެ ބްލޮކުން ހަމަލާތައް ހުއްޓާލަން ހުށަހެޅީ، އެ މައްސަލައިގައި ޑިޕްލޮމެޓިކް އެއްބަސްވުމަކަށް އައުމަށް މަޝްވަރާތައް ކުރުމަށް ޖާގަ ދިނުމުގެ ގޮތުންނެވެ.
އެ ބަޔާނުގައި ވަނީ ލުބުނާނާއި އިސްރާއީލްގެ ސަރަހައްދީ ރޮނގުގައި ހިންގަމުންދާ އެ ހަނގުރާމައަކީ އިސްރާއީލުގެ ރައްޔިތުންނަށް ވެސް އަދި ލުބުނާނުގެ ރައްޔިތުންނަށް ވެސް އޮތް ނުރައްކަލެއް ކަމަށެވެ.
ގައުމުތަކުން އެގޮތަށް ގޮވައިލައިފައި ވަނީ އެއްގަމުން މަގުން ލުބުނާނަށް ހަމަލާދޭން ތައްޔާރުވަމުން އަންނަ ކަމަށް އިސްރާއީލުން ބުނެފައިވާ ދަނޑިވަޅެއްގައެވެ.
އިސްރާއީލުން ލުބުނާނަށް ދޭ ހަމަލާތަކުގައި މިހާތަނަށް 615 މީހުން ވަނީ މަރުވެފައެވެ. ހަމަލާތަކުގައި ޒަޚަމްވި މީހުންގެ އަދަދު 2،000 އަށް ވުރެ ގިނަ ކަމަށް ލުބުނާނު ސިއްހަތާބެހޭ ވުޒާރާއިން ބުނެފައިވެއެވެ.