އުމުރުން 15 އަހަރުގެ ކުޑަކުއްޖަކަށް ޖިންސީ ގޯނާކުރި މައްސަލައެއްގައި މާފުށި ޖަލުގައި ހުރި މީހަކު ދަންޖެހިގެން މިއަދު މަރުވެއްޖެއެވެ.
އޭނާ މަރުވީ ދަންޖެހިގެންކަން ހޯމް މިނިސްޓްރީން 'ސަން'އަށް ކަށަވަރުކޮށްދިނެވެ.
ކަރެކްޝަންސްއިން ބުނި ގޮތުގައި ދަންޖެހުނީ މާފުށީ ޖަލުގައި ޝަރީއަތް ނިމެންދެން ބަންދުކޮށްފައި ހުރި މާލޭ ގ. އެއްތެޔޮމާގޭ ޢަބްދުލް ޣަނީ އިސްމާޢީލް (62އ) އެވެ.
ކަރެކްޝަންސްއިން ބުނީ، މިއަދު ހެނދުނު 6:52 ގައި ޢަބްދުލް ޣަނީ އިސްމާޢީލްގެ ގޮޅީގައި ދަންޖެހިފައި ހުއްޓާ ފެނުމުން، ވަގުތުން އޭނާ މާފުށީ ހޮސްޕިޓަލަށް ގެންގޮސްފައިވާ ކަމަށެވެ. އޭނާ މަރުވެފައިވާ ކަމަށް ޑޮކްޓަރު ކަނޑައެޅީ 7:21 ގައި ކަމަށް ކަރެކްޝަންސްއިން ބުންޏެވެ.
މި ހާދިސާއާ ގުޅޭ މައުލޫމާތު ކަމާ ގުޅުންހުރި އިދާރާތަކާއި އާއިލާއަށް އަންގާފައިވާ ކަމަށާއި އެ މައްސަލަ ކަރެކްޝަންސްގެ ޕްރޮފެޝަނަލް ސްޓޭންޑަޑުން ތަހުގީގުކުރަމުން އަންނަ ކަމަށް އެ އިދާރާއިން ބުންޏެވެ.
އެ މީހާއަކީ މީގެ ކުރިން ވެސް ކުށުގެ ރިކޯޑު އޮތް މީހެއް ކަމަށް މިނިސްޓްރީން ބުންޏެވެ.
މި ފަހުން ލޯބިވެރިޔާ ރަހީނުކޮށް، ވަޅިން ބިރުދެއްކި މައްސަލައެއްގައި ހައްޔަރުކުރި އާދަމް އަތުހަރު ވެސް ވަނީ ދޫނިދޫ ކަސްޓޯޑިއަލްގައި ހުއްޓާ ދަންޖެހިގެން މަރުވެފައެވެ.