މަދަނީ ޖަމިއްޔާތަކުގެ ތެރެއިން ފައިސާގެ އެހީ ލިބޭ ޖަމިއްޔާތަކާއެކު ޔޫތު މިނިސްޓްރީން މިއަދު ސޮއިކުރަން ފަށައިފިއެވެ.
އެ މިނިސްޓްރީން ފައިސާގެ އެހީ ލިބޭ 10 ޖަމިއްޔާއަކާ ސޮއިކޮށްފައިވާއިރު، މާދަަމާ އިތުރު ޖަމިއްޔާތަކާ ސޮއިކުރާނެ ކަމަށް ބުނެފައިވެއެވެ.
މިނިސްޓްރީން މިއަދު ސޮއިކުރި ޖަމިއްޔާތަކަކީ:
- ދުވާފަރު ޔޫތު މޫވްމަންޓް
- އައިކެންސް އެސޯސިއޭޝަން
- ތުޅާދު ސިލްވާ ޝައިންސް ކްލަބް
- ޑައިބިޓީސް ސޮސައިޓީ އޮފް މޯލްޑިވްސް
- ޖަމިއްޔަތުލް ސަލަފް
- ހުޅުދެލީ އައިލެންޑް ސޯޝަލް އެންޑް ސްޕޯޓްސް އެސޯސިއޭޝަން
- ޓޮޕްސީ
- އެސޯސިއޭޝަން ފޯ މަތިވެރި ސްޕޯޓްސް އެންޑް އެވެއާނަސް
- ގަމު ޒުވާނުންގެ ޖަމިއްޔާ
- ސޮސައިޓީ ފޯ ތުނޑީ އެޑްވާންސްމަންޓް އެންޑް ރެކްރިއޭޝަން
މުޖުތަމައު ބާރުވެރިކުރަން ޖަމިއްޔާތަކުން ހިންގާ މަޝްރޫއުތަކާއި ހަރަކާތްތައް ހިންގަން ފައިސާގެ އެހީ ދިނުމަށް މިނިސްޓްރީން ނިންމީ މިދިޔަ މެއި މަހުގެ ތެރޭގައެވެ.
އެގޮތުން، މި ފިޔަވަހީގައި ކުދި، މެދު އަދި ބޮޑެތި މަޝްރޫއުތަކާ ހަރަކާތްތަކަށް ހިންގުމަށް ފައިސާ އެހީ ދޭނެކަމަށް މިނިސްޓްރީން ބުނެފައިވެއެވެ.
މީގެއިތުރުން، އެ ޖަމިއްޔާތަކަށް މާލީ އެހީ ދިނުމުގެ މަގްސަދަކީ މުޖުތަމައު ބާރުވެރިކުރުމަށް އެ ޖަމްއިއްޔާތަކުން ކުރަމުންދާ މަސައްކަތްތައް ފާހަގަކޮށް އެފަދަ މަސައްކަތްތަކަށް އެއްބާރުލުންދީ އެހީތެރިކަން ފޯރުކޮށްދިނުމާއި ގައުމީ ތަރައްގީގައި ޖަމްއިއްޔާތަކުގެ ދައުރު ފުޅާ ކުރުން ކަމަށް މިނިސްޓްރީން ބުނެއެވެ.