މާލޭ އިމާރާތެއްގެ މަތިން މީހަކު މިއަދު ހަވީރު ވެއްޓިއްޖެއެވެ.
މިކަމާ ގުޅިގެން ފުލުހުން ބުނީ، އޭނާ ވެއްޓުނީ މާފަންނު ކަސްޓަމްސް އިމާރާތް ކައިރީ ހުންނަ އިމާރާތަކުން ކަމަށެވެ.
މިކަމާ ގުޅިގެން ފުލުހުން އެ ސަރަހައްދުގައި ހަރަކާތްތެރިވަމުން ދާކަމަށް ވަނީ ބުނެފައެވެ.
މިކަމާ ގުޅޭ އިތުރު މައުލޫމާތެއް ފުލުހުން ހާމަކޮށްފައެއް ނުވެއެވެ.
ނަމަވެސް، ސޯޝަލް މީޑިއާގައި ވަނީ މިކަމާ ގުޅޭ ބައެއް ވީޑިއޯތައް ދައުރުވެފައެވެ. ވީޑިއޯގައި ފެންނަނީ ވެއްޓުނު މީހާ ލޮރީއަކަށް އަރުވައިގެން ހޮސްޕިޓަލަށް ގެންދާ މަންޒަރެވެ.
ވެއްޓިފައިވަނީ އަންހެނެއްކަމެއް ނުވަތަ ފިރިހެނެއްކަން ފުލުހުން ކަށަވަރު ކޮށްދީފައެއް ނުވެއެވެ. އަދި އޭނާއާ ގުޅޭ އިތުރު މައުލޫމާތެއް ހިއްސާ ނުކުރެއެވެ.