ނ. މާފަރު އެއާޕޯޓުގެ އޭޕްރަން ބޮޑުކުރުމުގެ މަޝްރޫޢު މޯލްޑިވިއަނުން މިއަދު އެމްޓީސީސީއާއި ހަވާލުކޮށްފިއެވެ.
މި މަޝްރޫޢު ހަވާލުކުރުމަށް މިއަދު ބޭއްވި ރަސްމިއްޔާތުގައ،ި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ސީއީއޯ
ޢަބްދުﷲ ޒިޔާދެވެ.
އަދި އައިލޭންޑް އޭވިއޭޝަން ސާވިސަސް ލިމިޓެޑްގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު، އިބްރާހިމް އިޔާސެވެ.
މި މަޝްރޫޢުގެ ދަށުން މިހާރު އޮތް 453 އަކަ މީޓަރުގެ ފަޔާ ރޯޑު ތަޅާލުމާއ،ި 18,660 އަކަ މީޓަރު ސަރަހައްދެއްގެ
ވެލިގަނޑުގެ މަތީ ފަށަލަ ނަގައ،ި ސަބްބޭސް ތައްޔާރުކޮށް ވެއަރިންގް ކޯސްއެއް އެޅުމާއ،ި 4,047 އަކަ މީޓަރުގެ ސަރަހައްދެއް ގްރޭޑްކޮށް ކޮމްޕެކްޓްކުރުމުގެ މަސައްކަތް ހިމެނެއެވެ.
ނ. މާފަރު އެއާޕޯޓުގެ އޭޕްރަން ބޮޑުކުރުމުގެ މަޝްރޫޢު މޯލްޑިވިއަނުން މިއަދު އެމްޓީސީސީއާއި ހަވާލުކުރުމަށް ބޭއްވި ރަސްމިއްޔާތުގެ ތެރެއިން--- ފޮޓޯ/ އެމްޓީސީސީ
މީގެ އިތުރުން އެއާފީލްޑް ލައިޓިން ސިސްޓަމެއް ޤާއިމުކުރުމުގެ
މަސައްކަތް ވެސް ހިމެނޭ މި މަޝްރޫޢަކީ 29.85 މިލިއަން ރުފިޔާއަށް 180 ދުވަސްތެރޭ ނިންމުމަށް އެމްޓީސީސީއާ
ހަވާލުކޮށްފައިވާ މަޝްރޫޢުއެކެވެ.
1,250 މީހުންގެ އާބާދީއެއް އޮންނަ މާފަރު ރައްޔިތުން އާއްމުގޮތެއްގައި އާމްދަނީ ހޯދަން ކޮށްއުޅޭ މަސައްކަތަކީ މަސްވެރިކަމާއި ގެދޮރު އިމާރާތްކުރުމުގެ މަސައްކަތެވެ. މީގެ އިތުރުން މާފަރު އެއާޕޯޓުގަ އިވެސް ގިނަ ޢަދަދެއްގެ ރަށު ރައްޔިތުން އަންނަނީ ވަޒީފާ އަދާކުރަމުންނެވެ.
މި މަޝްރޫޢުގެ ދަށުން މާފަރު އެއާޕޯޓްގެ އޭޕްރަން ބޮޑުކުރުމުގެ މަސައްކަތް ނިމުމާއެކު އެއާޕޯޓުގެ ޚިދުމަތް އިތުރަށް ޒަމާނިވެ ފުރިހަމަވެގެންދާނެ ކަމަށާއި، ވަޒީފާގެ ފުރުޞަތު އިތުރުވެގެން ދާނެކަމަށް އެމްޓީސީއިން ވަނީ ބުނެފައެވެ.
ނ. މާފަރު އެއާޕޯޓުގެ އޭޕްރަން ބޮޑުކުރުމުގެ މަޝްރޫޢު މޯލްޑިވިއަނުން މިއަދު އެމްޓީސީސީއާއި ހަވާލުކުރުމަށް ބޭއްވި ރަސްމިއްޔާތުގެ ތެރެއިން--- ފޮޓޯ/ އެމްޓީސީސީ
ޕްރައިވެޓް ޖެޓްތައް ޕާކް ކުރާނޭ އިތުރު ޖާގަ ލިބުމާއެކު ޕްރައިވެޓް ޖެޓްތައް މާފަރު އެއާޕޯޓުގައި ޖައްސާ ޢަދަދު ގިނަވެގެން ދާނެ ކަމަށާއި މިއާއެކު ފަތުރުވެރިން މި ސަރަހައްދަށް އަންނަ އަދަދު މަތިވެ އެއާޕޯޓަށް ޖެޓް ޕާކިންއިން ލިބޭ އާމްދަނީ ބޮޑުވެގެންދާނެ ކަމަށް ވެސް އެމްޓީސީސީއިން ވަނީ ބުނެފައެވެ.
އަދި މިއީ ނޫނު އަތޮޅާއި އަދި މާފަރުގެ އިޤްތިސާދީ ތަރައްޤީއަށް ކުރިއެރުންތަކެއް އަންނާނޭ މަޝްރޫޢުތަކެއްކަމުގައި ޤަބޫލުކުރާ ކަމަށް ވެސް އެމްޓީސީސީއިން ވަނީ ބުނެފައެވެ.