ކުޑަކުދިންނަށް ބޭނުންވާ ސާމާނު ފިހާރަތަކަށް ނުގޮސް، ގެޔާ ހަމަޔަށް ލިބޭ ގޮތް ވުމަކީ ބެލެނިވެރިންނަށް ވަރަށް ބޮޑު ފަސޭހައަކަށް ވާނެއެވެ. އީޓުކުރިން ވަނީ އޮންލައިންކޮށް އެ ޚިދުމަތް ފަހިކޮށްދީފައެވެ. އެގޮތުން އެ ޕްލެޓްފޯމްއިން ފާހަގަކޮށްލެވޭ އެއް ވިޔަފާރިއަކީ "ޕޫށީ"އެވެ.
ޕޫށީ އަކީ ކުޑަކުދިންގެ ވާހަކަ ފޮތާއި ކުޑަކުދިންގެ ޓޯޓް ބޭގާއި އެ ނޫންވެސް ކުޑަކުދިން ޝައުގުވެރިވާ ފަދަ ސްޓިކާ ޕެކް އަދި ގޭމް ބޯޑު ފަދަ ތަކެތި ވިއްކާ އޮންލައިން ފިހާރައެކެވެ.
ޕޫށީގެ ފަރާތުން އިންޓަވިއު ދެމުން ފާތިމަތު ރިޒްފާ ކިޔައިދިނީ އެ ވިޔަފާރިއަކީ ކޮވިޑް-19ގެ ދުވަސްވަރު ފަށައިގަތް ވިޔަފާރިއެއް ކަމަށެވެ. ރިޒްފާ އަކީ އަބަދުވެސް މިފަދަ ކުޑަކުދިންނަށް ޚާއްސަ އުފެއްދުންތައް އުފައްދަން ބޭނުންވާ ފަރާތެކެވެ. އަދި މި މަސައްކަތް ފެށިގައިން އައީ ކޮވިޑް-19ގެ ދުވަސްވަރުއެވެ.
"އަބަދުވެސް ޝައުގު ހުންނަ ކަމަކަށް ވެފައި، ހާލަތު ރަނގަޅު ކަމަށް ބެލެވޭތީ ކޮވިޑްގެ ދުވަސްކޮޅު ވިޔަފާރި ފެށީ،" އޭނާ ބުންޏެވެ.
ރިޒްފާގެ ވިޔަފާރި ފުޅާކުރުމަށް ކުރަމުން އައި މަސައްކަތުގެ ތެރެއިން، އީޓުކުރިއަށް ރަޖިސްޓަރ ކޮށް ޕޫށީ ގެ ވިޔަފާރި އިތުރަށް ފުޅާ ކުރީ ވިޔަފާރި ފެށިތާ ދޮޅުއަހަރު ވީފަހުންނެވެ. ވިޔަފާރި ކުރިއެރުވުމަށް އީޓުކުރި ޚިޔާރު ކުރުމާ ގުޅޭ ގޮތުން ރިޒްފާ ބުނީ، އެ އޮންލައިން ބާޒާރަކީ ވަރަށް ގިނަގުނަ ފައިދާތަކެއް ވާނެ ކަމަށް ބެލެވޭ ޕްލެޓްފޯރމެއް ކަމުން ރެޖިސްޓަރ ވާން ޝައުގު އުފެދުނީ ކަމަށެވެ.
"އީޓުކުރި ޕްރޮފެޝަނަލް ވެފައި އޭގެން ލިބޭ ފައިދާތައް އިނގުމުން ރަޖިސްޓަރ ކުރަން ބޭނުންވީ، އަދި ފުރިހަމަ އިތުބާރު ހިފޭނެކަން އެނގޭތީ ރެޖިސްޓަރ ކުރީ."
ޕޫށީގެ ވިޔަފާރި އީޓުކުރީގެ ތެރެއިން މުޅި ރާއްޖެއަށް ހުޅުވާލެވިގެން ދިޔައެވެ. އަދި ރިޒްފާގެ އުންމީދުތައް ފުރިހަމައަށް ހާސިލްވާކަން ވެސް ފާހަގަކުރިއެވެ.
ރިޒްފާ ބުނީ އީޓުކުރިން ލިބުނު އެންމެ ބޮޑު ކާމިޔާބީއަކީ ދުރު ހިސާބުތަކުން ކަސްޓަމަރުން ލިބެން ފެށުން ކަމަށާއި، އަތޮޅުތެރޭގައި ދިރިއުޅޭ މީހުން ވެސް ޕޫށީއިން ވިޔަފާރިކުރަން ފެށިކަމެވެ. އީޓުކުރީގެ ޚިދުމަތާއި އެކު އަތޮޅުތެރޭ ރަށްރަށަށް ޑެލިވަރީ ކުރަން ފަސޭހަވެ، އެންމެ ދުރުގައި ހުންނަ މީހާ އަށްވެސް އަވަހަށް ތަކެތި ފޮނުވޭކަން އޭނާ ފާހަގަކުރިއެވެ.
ރިޒްފާ ބުނި ގޮތުގައި އީޓުކުރީގެ އެންމެ ރަނގަޅު އެއް ކަމަކީ، އެއީ މޯލްޑިވްސް ޕޯސްޓްއިން ހިންގާ ޕްލެޓްފޯމްއަކަށް ވުމުން އަބަދުވެސް އިތުބާރު އޮންނަ ކަމަށެވެ. ސަރުކާރު ކުންފުންޏަކަށް ވުމުން ފުރިހަމަ ޔަގީންކަން އޮންނަކަން އޭނާ ފާހަގަކުރިއެވެ.
ރިޒްފާ ފާހަގަކުރީ އީޓުކުރިއަކީ ހިލޭ ރަޖިސްޓްރީވެ، ވިޔަފާރި ކުރެވޭ ޕްލެޓްފޯމަކަށް ވުމުން އީޓުކުރި މެދުވެރިކޮށް ވިޔަފާރި ކުރުމަކީ ފަސޭހަ އަދި ރަނގަޅު ފުރުސަތެއް ކަމަށެވެ.
"އީޓުކުރި އަކީ ވަރަށް ރަނގަޅު ޕްލެޓްފޯމެއް. ކުދި އަދި މެދު ފަންތީގެ ވިޔަފާރިތަކަށް އީޓުކުރިއަކީ ރަނުގެ ފުރުސަތެއް. ވިޔަފާރި ފުޅާވެގެންދާނެ ސަބަބެއް،" ރިޒްފާ ބުންޏެވެ.