ސޮނީ ހާޑްވެއާއިން ޗައިނާގެ މަޝްހޫރު ބްރޭންޑެއް ކަމަށްވާ "އިންގްކޯ"ގެ ކަރަންޓު ޓޫލްސް ލޯންޗުކޮށްފިއެވެ.
އިންގްކޯއަކީ ފެންވަރު ރަނގަޅު އުފެއްދުންތައް ހެޔޮ އަގުގައި ފޯރުކޮށްދިނުމަށް މަސައްކަތް ކުރާ ބްރޭންޑެކެވެ. އެއީ ޓޫލްސްގެ ފެންވަރު ރަނގަޅުކަން ކަށަވަރު ކުރުމުގައި އެންމެ ފުރިހަމައަށް ބޭނުންކުރެވޭ ފަދަ އެފިޝެންޓް، ޕާފޯމެންސް ރަނގަޅު އަދި ދިގު މުއްދަތަކަށް ބޭނުން ކުރެވޭ ފަދަ އުފެއްދުންތައް ފޯރުކޮށްދިނުމަށް އިސްކަންދޭ ބްރޭންޑެކެވެ.
އިންގްކޯގެ ޓޫލްތައް ބާޒާރުގައި ވާދަވެރި އަގުތަކެއްގައި ހުރުމުން، ގިނަ އަދަދެއްގެ ކަސްޓަމަރުންނަށް ފަސޭހައިން ލިބޭނެއެވެ. ކޮލިޓީއާއި އަގުގެ ގޮތުން ބަލާނަމަ އިންގްކޯގެ ޓޫލްސް ވިއްކަނީ ހެޔޮ އަގެއްގައެވެ.
އިންގްކޯގެ ޓޫލްސް، ސޮނީ ފިޝިން، ހޯމް އަދި ބިލްޑްވެއާ ނޫން އެހެން ފިހާރަތަކުން މިހާރު ލިބެން ހުންނާނެއެވެ.
އިންގްކޯގެ ޕްރޮޑަކްޓް ރޭންޖުގެ ތެރޭގައި ހިމެނެނީ ހެންޑް ޓޫލްސް، ޕަވާ ޓޫލްސް އަދި އިތުރު ސާމާނުތަކެވެ. އެ އުފެދުންތަކުގެ ސްޕެއާ ޕާޓްސް ވެސް ސޮނީގެ ފިހާރަތަކުން ލިބެން ހުންނާނެއެވެ.
އަގުހެޔޮކޮށް ރާއްޖޭގައި ޕަވާ ޓޫލްސް ފޯރުކޮށްދޭ ސޮނީ ހާޑްވެއާއަކީ އިންގްކޯގެ އެކްސްކްލޫސިވް ޑިސްޓްރިބިއުޓަރެވެ. އެ ތަކެތި ގަނެ، އަލުން ވިއްކުމަށް ބޭނުންވާ ފަރާތްތަކަށް ޚާއްސަ އަގުތަކެއްގައި އެ ތަކެތި ލިބޭނެ ކަމަށް ސޮނީ ހާޑްވެއާއިން ފާހަގަކުރެއެވެ.
ސޮނީއިން ބުނީ އެ ބްރޭންޑުގެ 500އަށްރެ ގިނަ އައިޓަމް ލިބެން ހުންނާނެ ކަމަށެވެ.
ދެހާސް ހަ ވަނަ އަހަރު އުފެއްދި އިންގްކޯގެ ފިހާރަތައް 31 ގައުމެއްގައި ހުރެއެވެ.