ސިންގަޕޫރުގެ ގަވާއިދާ ހިލާފަށް އެއާބީއެންބީގެ ކަސްޓަމަރުންނަށް ގާތްގަޑަކަށް ތިން އަހަރު ވަންދެން އެޕާޓްމަންޓް ކުއްޔަށް ދިން މީހަކު 175،000 ޑޮލަރުން ޖޫރިމަނާކޮށްފިއެވެ.
މި މައްސަލައިގައި ޖޫރިމަނާކުރީ 52 އަހަރުގެ ޖަޔަންތީ މޭނިއަން ކިޔާ އަންހެނެކެވެ.
ޖޫރިމަނާ ދައްކަން އަމުރުކޮށްފައިވަނީ އެއާބީއެންބީގެ ކަސްޓަމަރުންނަށް ކުރު މުއްދަތަކަށް އެޕާޓްމަންޓް ކުއްޔަށް ދީގެން 120،000 ޑޮލަރު ހޯދި ސިންގަޕޫރުގެ އަންހެނެކެވެ. އޭނާ ވަނީ ތިން އަހަރު ވަންދެން އެގޮތަށް އެޕާޓްމަންޓް ކުއްޔަށް ދީފައެވެ.
ސިންގަޕުރުގެ ޕްލޭނިން ގާނޫނުގެ ދަށުން ވިދިވިދިގެން ތިން މަހަށް ވުރެ ކުރު މުއްދަތަކަށް އެޕާޓްމަންޓް ކުއްޔަކަށް ނުދެވޭނެއެވެ. ނަމަވެސް, އެ މީހާ ވަނީ އެއްވެސް ހުއްދައެއް ނެތި ކުރުމުއްދަތަށް އެޕާޓްމަންޓު ކުއްޔަށް ދޫކޮށްފައެވެ.
ޕްލޭނިން ގާނޫނުގެ ދަށުން ޖަޔަންތީގެ މައްޗަށް އުފުލާފައިވަނީ ހުއްދަ ނެތި ކުރު މުއްދަތަކަށް އެޕާޓްމެންޓް ދިނުމުގެ ދައުވާއެވެ. އަދި، އޭނާ ވަނީ އެ ދައުވާއަށް އިއުތިރާފުވެފައެވެ.
ޖޫރިމަނާ ނުދެއްކިއްޖެނަމަ، އޭނާއަށް ޖެހޭނީ އަށް މަހުގެ ޖަލު ހުކުމެއް ފުރިހަމަކުރާށެވެ.
ކޯޓުގެ ހުކުމެއްގައިވާ ގޮތުން ޖަޔަންތީ ކުއްޔަށް ދީފައިވަނީ ލިޓްލް އިންޑިއާގެ ކިންޓާ ރޯޑްގައި ހުންނަ އޭނާގެ އަމިއްލަ ތިން އެޕާޓްމަންޓެވެ.
ކުރިން 2019 ވަނަ އަހަރުގެ ޖޫން މަހާއި 2022 ވަނަ އަހަރުގެ ފެބްރުއަރީ މަހާ ދެމެދު ޖަޔަންތީ ވަނީ ޖުމްލަ 489 ފަހަރު އެ ތިން އެޕާޓްމަންޓް ކުއްޔަށް ދީފައެވެ.
ސިންގަޕޫރުގައި ކުރު މުއްދަތަކަށް އެޕާޓްމަންޓް ކުއްޔަށް ދިނުމަކީ ގާނޫނާ ހިލާފު ކަމެއް ކަމަށް 2021 ވަނަ އަހަރު ފަހުކޮޅު އެއާބީއެންބީއިން ވަނީ ޖަޔަންތީއަށް އަންގައިފައެވެ.