ކޮމަންވެލްތުގެ ވިޔަފާރިއާއި އެންވެންސްޓްމަންޓްގެ ކައުންސިލް (ސިވިކް)ގެ އޮފީހެއް ރާއްޖޭގަައި ގާއިމުކޮށް، ޗެއާއަކަށް ރައީސް ޑރ. މުޙައްމަދު މުއިއްޒުގެ ޕްރިންސިޕަލް އެޑްވައިޒަރު މުޙައްމަދު އަލީ ޖަނާޙު އައްޔަންކުރައްވަން ނިންމައިފިއެވެ.
ސިވިކްއިން ނެރުނު ބަޔާނެއްގައި ބުނީ، ރާއްޖޭގައި ގާއިމުކުރާ އޮފީސް މެދުވެރިކޮށް، ރާއްޖޭން ބޭރުގެ އެކި އިންވެސްޓަރުންނަށް ސަރުކާރާއި ދިވެހި ވިޔަފާރިތައް ތައާރަފުކުރާނެ ކަމަށާއި ވިޔަފާރީގެ އިތުރު ފުރުސަތުތައް ހޯދުމަށް މަސައްކަތްކުރާނެ ކަމަށެވެ.
މިގޮތުން، ކަންޓްރީ ޗެއާއެއްގެ ގޮތުން އެ މަސައްކަތުގައި އެންމެ އިސް ދައުރެއް އަދާކުރައްވާނީ، ޖަނާހު ކަމަށް ސިވިކްއިން ބުނެއެވެ.
ސިވިކް އިން ބުނީ، ކޮމަންވެލްތުގެ 56 މެންބަރު ގައުމުގައި ހުރި ފުރުސަތުތައް ހޯދުމަށް ހަބް އޮފީހުން މަސައްކަތްކުރާނެ ކަމަށެވެ. ރާއްޖޭގެ ވިޔަފާރިތަކަށް، އާ ހަބް އޮފީސް މެދުވެރިކޮށް، ސްޓްރެޓެޖިކް ޕާޓްނަރުންގެ ގޮތުގައި މަސައްކަތްކުރުމުގެ މަގުފަހިވާނެ ކަމަށް ވެސް އެ ބަޔާނުގައި ބުންޏެވެ.
ޖަނާއަކީ ރާއްޖެއާއި މެދުއިރުމަތީގައި ވިޔަފާރިކުރުމުގައި 30 އަހަރަށް ވުރެ ގިނަ ދުވަހުގެ ތަޖުރިބާ ލިބިފައިވާ ވިޔަފާރިވެރިއެކެވެ.