ލ. ފޮނަދޫގައީ ބަނދަރުގައި އޮތް ދޯންޏަކަށް ކާރެއް އަރުވަން އުޅުމުގެ ތެރޭގައި ކާރު މޫދަށް ވެއްޓިއްޖެއެވެ.
އެ ކަމާ ގުޅޭ މައުލޫމާތު ހިއްސާކުރަމުން ފުލުހުން މިރޭ ބުނީ ކާރު ވެއްޓުނުކަމުގެ ރިޕޯޓު ލިބުނީ މިރޭ 19:05 ހާއިރު ކަމަށެވެ.
އެ ހާދިސާއާ ގުޅިގެން އެއްވެސް މީހަކަށް އަނިޔާއެއް ނުލިބޭ ކަމަށެވެ.
މިހާރު އެ ކާރު ދޯންޏަށް އަރުވައިފައިވާ ކަމަށް ވެސް ފުލުހުން ބުންޏެވެ.
މީގެ ކުރިން ވެސް ފަޅު ތެރެއަށް ވެހިކަލް ވެއްޓުމުގެ ހާދިސާތައް ވަނީ ދިމާވެފައެވެ.