ވަޓްސްއެޕް ސްޓިކާއަކީ އެ ޕްލެޓްފޯމްގައި ރިއެކްޝަންތައް ޝެއާ ކުރުމަށް ވަރަށް ޝައުގުވެރި އެއް ގޮތެވެ. އެ ކުންފުނީގެ އަމިއްލަ ސްޓިކާ ސްޓޯރަށް ވަނުމުގެ އިތުރުން ތާޑް ޕާޓީ އެޕްލިކޭޝަނުން ސްޓިކާ އެތެރެކުރުމުގެ ފުރުސަތު ވެސް ދެއެވެ.
މިއީ އެންޑްރޮއިޑާއި އައިއޯއެސްއިން ވެސް ލިބެން ހުންނަ ފީޗާއެކެވެ. އޭގެ އިތުރަށް ވަޓްސްއެޕްގައި ސްޓިކާ އުފައްދާ ވަސީލަތެއް ހުންނައިރު ގާތްގަނޑަކަށް ކޮންމެ ތަސްވީރެއް ވެސް ސްޓިކާއަކަށް ބަދަލުކޮށްލެވޭނެއެވެ. ނަމަވެސް މި ފީޗާ ލިބޭނީ ހަމައެކަނި ވަޓްސްއެޕް ވެބްއިންނެވެ. މީގެ އިތުރުން، ޗެޓެއްގެ ތެރޭގައި ޝެއާކުރާ ކޮންމެ ފޮޓޯއެއް ސްޓިކާއަކަށް ބަދަލުކޮށްލެވޭ އިތުރު ވަޓްސްއެޕް ފީޗާއެއް ވެސް އެބަހުއްޓެވެ.
އެ ފީޗާތަކުން ވަޓްސްއެޕް ބޭނުންކުރާ މީހުންނަށް ކޮންމެ ފޮޓޯއެއް ވެސް ބެކްގްރައުންޑާއެކު ނުވަތަ ނުލައި އިމޯޖީތަކާއި ޓެކްސްޓް ހިމެނޭ ސްޓިކާއަކަށް ބަދަލުކޮށްލެވޭނެއެވެ. އެހެން ސްޓިކާތަކެކޭ އެއްފަދައިން މި ސްޓިކާތައް ވެސް ޑައުންލޯޑްވެސް ކުރެވޭނެއެވެ. މިގޮތަށް ހަދާފައިވާ ސްޓިކާ ވެސް އެޑިޓް ކުރެވޭނީ ކޮންޓެކްޓަކާ ހިއްސާ ކުރުމުންނެވެ.
ވަޓްސްއެޕް ސްޓިކާއަކަށް ފޮޓޯއެއް ބަދަލުކުރާނެ ގޮތް
ސްޓެޕް 1: ފޯނުގައި ވަޓްސްއެޕް ހުޅުވުމަށްފަހު ސްޓިކާއަކަށް ބަދަލުކުރަން ބޭނުންވާ ތަސްވީރު ހިމެނޭ ޗެޓް ހުޅުވާލާށެވެ.
ސްޓެޕް 2: ތިރީގައި ތަފާތު އިމޭޖް އެޑިޓިން އޮޕްޝަންތައް ފެންނަ ގޮތަށް ފޮޓޯ ހުޅުވަން ޑަބަލް ޓެޕް ކުރާށެވެ.
ސްޓެޕް 3: ސްކްރީންގެ ތިރީ ވާތް ފަރާތުގައި ޝެއާ އައިކަން ޓެޕް ކޮށްލާށެވެ.
ސްޓެޕް 4: ކްރިއޭޓް ސްޓިކާ އޮޕްޝަންއަށް ޓެޕް ކުރާށެވެ.
ސްޓެޕް 5: މިހާރު އެ ފޮޓޯއަށް ގެންނަން ބޭނުންވާ ބަދަލުތައް ގެނެވޭނެއެވެ. ފޮޓޯގެ ސައިޒް އެޖަސްޓްކޮށް، ލިބެން ހުރި ފޮންޓުގެ ތެރެއިން އެއް ފޮންޓް ބޭނުންކޮށްގެން ޓެކްސްޓް އެޑްކޮށް، މެސެޖެއް ލިޔުމާއި، އެ ސްޓިކާ ނުވަތަ އިމޯޖީ ސްޓިކާއަށް އިތުރު ކުރެވޭނެއެވެ.
ސްޓެޕް 6: ޗެޓްގައި ޝެއާ ކުރަން ސެންޑް ބަޓަން ޓެޕް ކޮށްލާށެވެ.
މި ފީޗާ ލިބެނީ ހަމައެކަނި ވަޓްސްއެޕްގެ އައިއޯއެސް އެޕްލިކޭޝަނުންނެވެ. އެންޑްރޮއިޑް ބޭނުންކުރާ ފަރާތްތަކަށްވެސް މި ފީޗާ ވަރަށް އަވަހަށް ތަޢާރަފުކުރާނެކަމަށް ޓެކްރިޕޯޓްތައް ބުނެއެވެ.