އޭޑީކޭ ޖެނެރަލް ޓްރޭޑިންއިން އޯމޯ ޑިޓާޖެންޓް ގަތުމުން، ދޮންނަމެޝިނެއް ހޯދުމުގެ ފުރުސަތު ލިބޭ ޕްރޮމޯޝަނެއް ފަށައިފިއެވެ.
އޭޑީކޭ ޖެނެރަލް ޓްރޭޑިންއިން ބުނި ގޮތުގައި، މިހާރު ކުރިއަށްދާ އެ ޕްރޮމޯޝަންގައި އަންނަ މާޗު މަހުގެ ނިޔަލަށް ބައިވެރިވެވޭނެއެވެ. އެގޮތުން އެ ފިހާރައިގެ އިތުރުން ހޮވާލެވޭ ޕާޓްނަރު ފިހާރަތަކުން އޯމޯ ޑިޓާޖެންޓް ގަންނަ ކަސްޓަމަރުންނަށް އެ ޕްރޮމޯޝަންގައި ބައިވެރިވެވޭނެ ކަމަށް އެ ކުންފުނިން ބުންޏެވެ.
އެ ޕްރޮމޯޝަންގައި ބައިވެރިވުމަށް ޓަކައި، އޯމޯ ގަތުމުން ލިބޭ ކޫޕަންގައި ތަފްސީލު ފުރިހަމަކުރުމަށްފަހު ފޮއްޓަށް ވައްޓާލާނީއެވެ.
އެ ޕްރޮމޯޝަން ނިމުމުން ވަނަތައް ހޮވާނީ ރޭންޑަމްކޮށް ކަމަށާއި، ދެ ނަސީބުވެރިއަކަށް ދޮންނަ މެޝިން ލިބޭނެ ކަމަށް އޭޑީކޭ ޖެނެރަލް ޓްރޭޑިންއިން ބުންޏެވެ.
އެލްޖީ ފްރަންޓް ލޯޑް, ހަތް ކިލޯ ވޮޝިން މެޝިންގެ ދެ ނަސީބުވެރި ފަރާތް ޕްރޮމޯޝަން މުއްދަތު ނިމުމުން އިއުލާން ކުރެވޭނެއެވެ. އެގޮތުން ލިބޭނީ، ރެފްކޫލް އިލެކްޓްރޯނިކްސްއިން ފޯރުކޮށްދޭ، އެންމެ ޒަމާނީ އެލްޖީ ފްރަންޓް ލޯޑް 7ކިލޯ ދޮންނަމެޝިނެއް ކަމަށް އޭޑީކޭ ޖެނެރަލް ޓްރޭޑިންއިން ބުންޏެވެ.
އެ ޕްރޮމޯޝަންގެ މަގުސަދަކީ ކަސްޓަމަރުންނަށް އިނާމު ދިނުމާއެކު އޯމޯ ޑިޓާޖެންޓްގެ ބްރޭންޑް ޕްރޮމޯޓްކުރުން ކަމަށް އެ ކުންފުނިން ބުންޏެވެ.
އެ ޕްރޮމޯޝަނާ ގުޅޭ އިތުރު މައުލޫމާތު އޭޑީކޭ ޖެނެރަލް ޓްރޭޑިން ހޯލްސޭލް ނަންބަރު 7885965އިން ލިބޭނެއެވެ. އަދި އެ ޕްރޮމޯޝަން ކުރިއަށްދާ އިތުރު ފިހާރަތައް ކަމަށްވާ ޖީޓީ ސްނެޕް އާއި ގަންނަ މާޓްގެ 7939339 / 7363663 އަށް ގުޅުމުން ވެސް މައުލޫމާތު ލިބޭނެއެވެ.
ގަންނަ މާޓްއިން އޮންލައިންކޮށް، އެޕް މެދުވެރިކޮށް ވެސް ވިޔަފާރި ކުރެވޭނެއެވެ.