މާލޭ ސިޓީ ކައުންސިލްގެ ކުރީގެ މީޑިއާ އޮފިޝަލް މަރިޔަމް ޝިޔާނާ (ޔާނާ)، މޯލްޑިވްސް ޑިވެލޮޕްމެންޓް އެލަޔަންސް (އެމްޑީއޭ) އަށް ސޮއިކޮށްފިއެވެ.
މިއަދު ހެނދުނު ޝިޔާނާ އެމްޑީއޭއަށް ސޮއިކޮށް ފޯމް ހަވާލުކޮށްފައިވަނީ އެމްޑީއޭގެ ލީޑަރު އަޙްމަދު ސިޔާމް މުޙައްމަދާއެވެ.
އެމްޑީއޭއަށް ސޮއިކުރުމަށްފަހު ޝިޔާނާ ވަނީ ރައްޔިތުންގެ މަޖިލީހުގެ ކުރިޔަށް އޮތް އިންތިހާބުގައި ވާދަކުރުމަށް ޝައުގުވެރިވާ ކަމަށް ވިދާޅުވެފައެވެ.
ރައީސް ޑރ. މުޙައްމަދު މުއިއްޒު، މާލޭގެ މޭޔަރު ކަމަށް ކެމްޕެއިން ކުރެއްވިއިރު އެ ޓީމްގެ ޕީއާރުގައި އިސްކޮށް ހަރަކާތްތެރި ވެފައިވަނީ ޝިޔާނާއެވެ. ރައީސް މުއިއްޒު މޭޔަރުކަމާ ހަވާލުވެވަޑައިގަތުމުން ޝިޔާނާ ހުރީ އެ ކައުންސިލްގެ މީޑިއާ އޮފިޝަލްގެ މަގާމުގައެވެ.
އެއް އަހަރު ދުވަހު ކައުންސިލްގައި މަސައްކަތް ކުރުމަށްފަހު ޝިޔާނާ ވަނީ ރާއްޖެއިން ބޭރުން ޑިޕްލޮމާއިން ޕަބްލިކް އެޑްމިނިސްޓްރޭޝަންގެ އިތުރުން ހަޔާ ޑިޕްލޮމާއިން ޕޮލިޓިކަލް ސައިންސް އެންޑް އިންޓަަނޭޝަނަލް ރިލޭޝަން ހާސިލްކޮށްފައެވެ.