އޭއައި އެސިސްޓެންޓުންނާ އެކު ދިރިއުޅުން ބަދަލުކޮށްލާނެ: ބިލް ގޭޓްސް

މައިކްރޯސޮފްޓްގެ ބާނީ ބިލް ގޭޓްސް

އާޓިފިޝަލް އިންޓެލިޖެންސް (އޭއައި) ފުޅާ ދާއިރާއެއްގައި އިންޓަގްރޭޓްކުރުމާ އެކު ދިރިއުޅުމަށް ބޮޑު ބަދަލެއް އަންނާނެ ކަމަށް މައިކްރޮސޮފްޓްގެ ކޯ ފައުންޑަރު ބިލް ގޭޓްސް ލަފާކުރައްވައިފިއެވެ.

ދާދި ފަހުން ކުރި ބްލޮގް ޕޯސްޓެއްގައި ގޭޓްސް ވަނީ ތަފާތު މަސައްކަތްތަކަށް ބޭނުންކުރާ މީހުންނަށް ތަފާތު އެޕްލިކޭޝަންތަކެއް ބޭނުން ނުވާނެ މުސްތަގުބަލެއް ކުރިމަގަށް އަންދާޒާކޮށްފައެވެ. ގޭޓްސް ލަފާކުރެއްވީ ކޮންމެ ކަމަކަށް މިހާރު ބޭނުން ކުރާ ތަފާތު ވައްތަރުގެ އެޕްލިކޭޝަންތަކުގެ ބަދަލުގައި، އެ މީހުންގެ ރިކުއެސްޓްތައް ނުވަތަ އެ މީހުންގެ ބޭނުންތައް، އެ މީހުންގެ ޑިވައިސްތަކަށް އަނގަބަހުން ކިޔައިދިނުމުން ކޮންމެ ދުވަހެއްގެ މަސައްކަތް ބަރާބަރަށް ފުރިހަމަ ކުރަމުން ދާނެ ކަމަށެވެ.

ގޭޓްސް ލަފާކުރައްވާ ގޮތުގައި ކުރިއަށް އޮތް ފަސް އަހަރުގެ ތެރޭގައި އޭނާ އެ ވިދާޅުވާ ބަދަލު އަންނާނެއެވެ. އެގޮތުން އޭއައި ޕަވާޑް ޕާސަނަލް އެސިސްޓެންޓުން އާންމުވެގެން ދާނީ މިހާރުގެ ޓެކްނޮލޮޖީގެ ގާބިލުކަމުގެ ބޭރުންނެވެ. އޭރުން ކޮންމެ މީހަކަށް ވެސް ޚާއްޞަ އޭއައި އެސިސްޓެންޓެއް ހުންނާނެއެވެ.

ގޭޓްސް ވިދާޅުވި ގޮތުގައި މި އޭއައި "އެޖެންޓުން"ނަކީ ކޮމްޕިއުޓަރުގެ މުއާމަލާތްތަކަށް އިންގިލާބީ ބަދަލުތަކެއް ގެނައުމަށް ތައްޔާރުވެފައިވާ ވަޞީލަތްތަކެކެވެ. މި އެޖެންޓުންގެ ކާމިޔާބީގެ ތަޅުދަނޑި އަކީ ޔޫޒަރުންނާ ބެހޭ ގޮތުން މައުލޫމާތު ހޯދުމާއި، ބޭނުންތައް އަންދާޒާކުރުމުގައި މާ ހުނަރުވެރިވެ، ޕްރޯއެކްޓިވް ލަފާތައް ދިނުމެވެ.

ގޭޓްސް ވިދާޅުވި އޭއައި އިންޓަގްރޭޓްގެ ސަބަބުން ކޮމްޕިއުޓަރު ބޭނުންކުރާ ގޮތަށްވެސް ބޮޑު ބަދަލެއް އަންނާނެކަމަށް --

ގޭޓްސް ދެކެވަޑައިގަންނަވާ ގޮތުގައި މިއީ ކޮމާންޑް ބޭސްޑް ސިސްޓަމްތަކުން ގްރެފިކަލް ޔޫޒަރު އިންޓަފޭސްއަށް ބަދަލުވުމާ އެއްވަރުގެ ބޮޑު ބަދަލެކެވެ. އެކަމުގެ ސަބަބުން މުޅި ސޮފްޓްވެއާ އިންޑަސްޓްރީއަށް ވަރަށް ބޮޑު އަސަރެއް ކުރާނެ ކަމަށް އޭނާ ދެކެވަޑައިގަންނަވައެވެ.

އޭއައިގެ އެޕްލިކޭޝަންތަކަކީ ގުދުރަތީ ބަހުގެ ޕްރޮސެސިން އާއި ކޮމްޕިއުޓާ ވިޝަންއިން ފެށިގެން ރޮބޮޓިކްސް އަދި އޮޓޮނޮމަސް ސިސްޓަމްތަކާ ހަމައަށް ތަފާތު އެޕްލިކޭޝަންތަކެކެވެ.

ޕްރިޑިކްޓިވް އެނަލިޓިކްސް، ވާޗުއަލް އެސިސްޓެންޓްސް އަދި ޕާސަނަލައިޒްޑް ރެކޮމެންޑޭޝަންފަދަ މަސައްކަތްތަކަށް ކުންފުނިތަކާއި އިންޑަސްޓްރީތަކުން މިހާރު ވެސް އޭއައި ބޭނުންކުރެއެވެ.

ބިލްގޭޓްސް ވިދާޅުވިފަދައިން، އޭއައި ކުރިއަރަމުން އަންނައިރު، ސިނާއަތްތަކަށާއި އިގްތިސާދުތަކަށާއި އާންމު ދިރިއުޅުމަށް އޭގެ އަސަރު އިތުރަށް ބޮޑުވެ، ޓެކްނޮލޮޖީގެ ފުރުސަތުތަކާއި ގޮންޖެހުންތަކުގެ އާ ޒަމާނެއް ފެށޭނެ ކަމަށް ބެލެވެއެވެ.

comment ކޮމެންޓް