ރާއްޖޭގައި ބައްވާ އެންމެ ބޮޑު ދުވުން, ދިރާގު މޯލްޑިވްސް ރޯޑް ރޭސް މިއަދު ފަތިހު ފަށައިފިއެވެ.
ހުޅުމާލޭ ސެންޓްރަލް ޕާކުގައި މި ދުވުން ފަށާފައި ވާއިރު، ދުވުމުގައި 4000އަށް ވުރެ ގިނަ މީހުން ބައިވެރިވެއެވެ. އަދި މި އަހަރުގެ ރޯޑް ރޭހުގައި ފުރަތަމަ ފަހަރަށް ހާފް މެރަތަންއަށް ދުވުމުގެ ފުރުސަތު ދުވުންތެރިންނަށް ލިބުނު އިރު، 5ކޭ އަދި 10ކޭ ދުވުންވެސް ރޯޑް ރޭސްގެ ތެރެއިން އޮންނާނެއެވެ.
މި ދުވުމުގައި ހަމައެކަނި ދިވެހިންގެ އިތުރަށް ދުނިޔޭގެ އެކި ކަންކޮޅުތަކުން މީހުން ބައިވެރިވެފައި ވެއެވެ.
ރޯޑް ރޭހާ ގުޅިގެން މިއަދު ހަވީރު ހުޅުމާލޭ ސެންޓްރަލް ޕާކުގައި ކާއެއްޗެހީގެ ސްޓޯލްތައް ބަހައްޓަން ވަނީ ހަމަޖެހިފައެވެ.
ދިރާގު މޯލްޑިވްސް ރޯޑްރޭހަކީ ދިވެހިރާއްޖޭގައި ބާއްވާ ފުރަތަމަ އަދި ހަމައެކަނި ބައިނަލްއަގުވާމީ ދުވުމެވެ. އަދި މިއީ ވޯލްޑް އެތްލެޓިކް ސާޓިފައިޑް ރޭސްރޫޓަކާއެކު، އެއިމްސް ކަލަންޑަރުގައި ލިސްޓް ކޮށްފައިވާ ދުވުމެއް ކަމަށް ވެސް ދިރާގުން ބުނެއެވެ.