މާދަމާ ބާއްވާ ދިރާގު ރޯޑް ރޭހުގެ އާފްޓަ ޕާޓީ މާދަމާ ރޭ 20:30 ގައި ބާއްވަން ހަމަޖެހިފައިވާ ކަމަށް ދިރާގުން އިއުލާނުކޮށްފިއެވެ.
މި ހަރަކާތް ބާއްވަން ހަމަޖެހިފައިވަނީ ހުޅުމާލޭ ސެންޓްރަލް ޕާކުގައި ކަމަށް އެ ކުންފުނިން ބުނެއެވެ.
ދިރާގުން ބުނީ ރޭސް ނިންމާލުމަށްފަހު ބާއްވާ މި ސެލެބްރޭޝަނަކީ ހުނަރުވެރި ދިވެހި މިއުޒިކީ ފަންނާނުންގެ ލައިންއަޕަކާއިއެކު ކުރިއަށް ގެންދެވޭ ހަރަކާތެއް ކަމަށެވެ.
އެގޮތުން މިހަރަކާތުގައި ޝައްމު އާއި އޭނާގެ އެކުވެރިން، ސްކައިރޮކް އަދި 2 ސެންސްގެ އިތުރުން 1438 ބޮޑުބެރު ގުރޫޕު ބައިވެރިވާނެ ކަމަށްވެސް ދިރާގުން ވަނީ ބުނެފައެވެ.
މިއުޒިކީ ފަންނާނުންތަކަކާއެކު ކުރިއަށްގެންދިޔަ ނަމަވެސް މި ހަރަކާތަކީ ހަމައެކަނި މިއުޒިކް ފެސްޓިވަލެއް ނޫން ކަން ވެސް ދިރާގުން ވަނީ ފާހަގަ ކޮށްފައެވެ. އެގޮތުން މި ހަރަކާތުގެ ތެރެއިން ދިވެހި، ހޯމްބޭސްޑް ވިޔަފާރިތަކުގެ ރަހަމީރު އުފެއްދުންތައް ވެސް ފުޑް ސްޓްރީޓުން ލިބެން ހުންނާނެ ކަމަށް ބުންޏެވެ.
މި އާފްޓާޕާޓި އަކީ ރާއްޖޭގައި ބާއްވާ އެންމެ ބޮޑު ދުވުމުގެ އިވެންތުގެ ގްރޭންޑް ފިނާލޭއެވެ.
ދިރާގުން ބުނީ 4000 އަށް ވުރެ ގިނަ ދުވުންތެރިންނާއެކު މާދަމާ މި ފަށާ ދިރާގު މޯލްޑިވްސް ރޯޑް ރޭހުގެ 14 ވަނަ އެޑިޝަން ވެގެންދާނީ މި ދުވުމުގައި ފުރަތަމަ ފަހަރަށް ހާފް މެރެތަން ޖަހާ ފަހަރަށް ކަމަށެވެ. އަދި ހާފް މެރަތަންގެ އިތުރުން 10ކޭ އަދި 5ކޭ ރަންވެސް އޮންނާނެ ކަމަށް އެކުންފުނިން ވަނީ ބުނެފައެވެ.