ޓެކްގެ އުފެއްދުންތަކުގެ ވާހަކަ ދައްކާއިރު މިފަހަކަށް އައިސް އެންމެ ގަދައަށް ދެކެވޭ އެއްވާހަކަ ކަމުގައިވާ އެޕަލްގެ ވީއާރް ހާމަކުރުމުގެ ކުރިން ޒަކަބާގްގެ މެޓާ ކުއެސްޓް 3 ދައްކާލައިފިއެވެ.
އެޕަލް އިން އެކުންފުނީގެ އަމިއްލަ ވާޗުއަލް ރިއަލިޓީ ޕްރޮޑަކްޓެއް ތައާރަފްކުރަން ތައްޔާރުވަމުން ދަނިކޮށް މެޓާގެ ސީއީއޯ މާކް ޒަކަބާގް މިއަދު ވަނީ އޭނާގެ އަމިއްލަ ވީއާރް ހެޑްސެޓް ކުއެސްޓް 3 ހާމަކޮށްފައެވެ.
އެ ޕްރޮޑަކްޓް ދައްކާލާ ވީޑިއޯއެއްގައި މެޓާގެ ސީއީއޯ ވިދާޅުވަނީ ކުއެސްޓް 3 އަކީ އެ ކުންފުނީގެ "މިހާތަނަށް އެންމެ ބާރުގަދަ ހެޑްސެޓް" ކަމަށެވެ. އެއީ "ހައި-ރެސް ކަލަރ މިކްސްޑް ރިއަލިޓީ" އަކަށް "ފުލް ކަލަރ ޕާސްތްރޫ" ކުރެވޭނެ ގޮތަށް ބޭރުގެ ގިނަ ލެންސްތަކެއް ހިމަނައިގެން އުފައްދާފައިވާ ހައިރާން ކުރުވަނިވި އުފެއްދުމެއްކަމަށް އޭނާ ބުނެއެވެ. ޒުކަބާގް ބުނީ އެ ހެޑްސެޓްގެ ހެޑްގިއާގައި އަތްލައި ހެދި ނަމަވެސް ހަގީގީ ދުނިޔޭގެ ވަށައިގެންވާ މަންޒަރުތައް ސިފަވަމުން ދާނެކަމަށެވެ.
ކުރީގެ ކުއެސްޓް މޮޑެލްތަކުގައި ވެސް ބޭނުން ކޮށްފައިވާ ގޮތަށް އަލަށް އުފެއްދި ހެޑްސެޓްގައިވެސް ޕާސްތްރޫ ހިމަނާފައިވީ ނަމަވެސް، ފޮޓޯތައް ކަޅާއި ހުދު ކުލައަށް ބަދަލު ވެދާނެ ކަމަށާއި އޭގެ އިތުރުން ގްރެނީ ޓެކްސްޗާތައް ވެސް ބޭނުން ކުރެވިދާނެ ކަމަށް އޭނާ މައުލޫމާތު ދެއެވެ.
އަނެއްކޮޅުން ކުއެސްޓް 3 ގައި ވަނީ އިމޭޖް ކޮލިޓީ އިތުރު ހަރުފަތަކަށް ގެންގޮސް، ހަގީގީ ދުނިޔޭގައި ވީއާރް އޮބްޖެކްޓްތައް އޯވަލޭ ކޮށްލެވޭ އޮގްމެންޓެޑް ރިއަލިޓީ އެކްސްޕީރިއަންސްތަކަށް މަގު ފަހިކޮށްދީފައެވެ.
މި ހެޑްސެޓްގެ އެހެނިހެން މޮޅު ކަންތައްތަކުގެ ތެރޭގައި ވީއާރް ހެޑްސެޓްގެ ތެރޭގައި މަތީ ރިޒޮލިއުޝަން ސްކްރީނެއް ހިމެނޭއިރު، މިއީ ކުއެސްޓް 2 އަށް ވުރެ 40 އިންސައްތަ ތުނިކޮށް ހުންނަ ސްކްރީނެކެވެ.
ވީއާރް ހެޑްސެޓްގެ ތެރޭގައި ވާ ސިލިކަން ވެސް ވަނީ ކުއަލްކޮމްގެ "ނެކްސްޓް ޖެން" ޗިޕަކުން އަޕްގްރޭޑްކޮށް "ކުއެސްޓް 2 ގައި ކުރީގެ ޖެނެރޭޝަން ސްނެޕްޑްރެގަން ޖީޕީޔޫއަށް ވުރެ ދެ ގުނަ ގްރެފިކަލް ޕާފޯމަންސް" ލިބޭ ގޮތަށް ފަރުމާކޮށްފައެވެ.
"ކުއެސްޓް 3 ގެ ޓަޗް ޕްލަސް ކޮންޓްރޯލަރުތައް ވެސް މުޅިން ރީޑިޒައިން ކުރީ އިތުރަށް ސްޓްރީމްލައިންޑް އަދި އެރްގޯނޮމިކް ފޯމް ފެކްޓާއަކާ އެކު،" ބްލޮގް ޕޯސްޓެއްގައި އެ ކުންފުނިން ބުންޏެވެ.
ޒަކަބާގް ހެޑްސެޓް ތަޢާރަފްކުރިއިރު އެޕަލްގެ އެއްވެސް ވާހަކައެއް އޭނާ ނުދައްކަވައެވެ. އެކަމަކު ޓެކް ރިޕޯޓްތަކުން ތުހުމަތު ކުރާގޮތުގައި ޒަކްބާގް މަސައްކަތް ކުރަނީ އަންނަ ހަފުތާގެ "ޑަބްލިއުޑަބްލިއުޑީސީ"ގައި އެޕަލްގެ އަމިއްލަ ވީއާރު ހެޑްސެޓް ހާމަކުރާނެ ކަމަށް ބެލެވޭތީ އޭގެ ކުރިން އޭނާގެ އުފެއްދުން އިސްތިހާރު ކުރުމަށެވެ.
ބްލޫމްބާގްއިން ބުނާ ގޮތުން އެޕަލްގެ ޕްރޮޑަކްޓްގައި ވެސް ޒަމާނީ އޮގްމެންޓެޑް ރިއަލިޓީ ޓެކްތަކެއް ހުންނާނެއެވެ. ނަމަވެސް ގާތްގަނޑަކަށް 3،000 ޑޮލަރުން މަތީގައި އޭގެ އަގު ހުރުމުގެ ސަބަބުން ގިނަ ކަސްޓަމަރުންނަށް އެ ޓެކްނޮލޮޖީ ގެއްލޭނެ ކަމަށް ލަފާކުރެވެއެވެ.