ނަރުސްކަމަކީ އެކި ދާއިރާތަކުން ޚާއްސަވެވޭ ދާއިރާއެކެވެ. އެހެން ނަމަވެސް ދިވެހިރާއްޖޭގައި ނަރުސްކަމުގެ ދާއިރާއިން ޚާއްސަވެވެން ހުރީ ވަރަށްވެސް މަދު ފުރުސަތުތަކެކެވެ. ޒިކުރާ އިންޓަނޭޝަނަލް ކޮލެޖުން ކުރިއަށްގެންދާ ބެޗްލާ އޮފް ސައިންސް އިން ނާސިން އެންޑް މިޑްވައިފްރީ ކޯހަކީ ނަރުހުންގެ ދާއިރާއަށް އަލަށް ވަންނަން ބޭނުންވާ ފަރާތްތަކަށާއި، މިދާއިރާގައި ޚިދުމަތުގައި ތިއްބެވި ފަރާތްތަކަށް ކުރިއަށް ދިޔުމުގައި ލިބެންހުރި ރަނުގެ ފުރުސަތެކެވެ.
ސަރުކާރުން ދާދި ފަހުން ވަނީ ނަރުހުންގެ މުސާރައިގެ އޮނިގަނޑަށް ބަދަލުތަކެއް ގެނެސްފައެވެ.
ޒިކުރާ އިންޓަނޭޝަނަލް ކޮލެޖުން ކުރިއަށްގެންދާ ބެޗްލާ އޮފް ސައިންސްއިން ނާސިން އެންޑް މިޑްވައިފްރީ ޕްރޮގްރާމަކީ ނަރުސްކަމުގެ ޚާއްސަ ދާއިރާތަކުގެ މަސައްކަތަށް ނަރުހުން ތައްޔާރުކުރާ ޕްރޮގްރާމެކެވެ. މިކޯހުގައި ނަރުހުންގެ ދާއިރާގެ ކޮމްޕީޓެންސީތަކަށް އަހުލުވެރިވުމުގެ އިތުރަށް ވަޒީފާ އަދާކުރުމަށް ބޭނުންވާނެ ތަފާތު ހުނަރުތައް ދަސްކޮށްދެވޭނެއެވެ. ހަމައެއާއެކު މިކޯހުގައި ދުޅަހެޔޮކަމާއި، ސިއްހަތު ކުރިއެރުވުމާއި، ބަލިމަޑުކަމާއި، ބަލި މެނޭޖްކުރުމާއި، މަރުވާ މީހުންނަށް އަޅާލުމާ ގުޅުންހުރި ޢިލްމު ހޯދުން ހިމަނާފައިވާނެއެވެ. އަދި މިކޯސް ފުރިހަމަކުރާ ފަރާތްތަކަށް ކްލިނިކަލް ތަޖުރިބާ ހޯދުމުގެ އިތުރުން ކޮލެޖުގައި ގާއިމްކުރެވިފައިވާ ސްކިލް ލެބް/ސިމިއުލޭޓެޑް ލެބްގައި ހުނަރު ތަރައްގީ ކުރުމުގެ ފުރުސަތު ލިބިގެންދާނެއެވެ.
ބެޗެލާ އޮފް ސައިންސް އިން ނާސިން އެންޑް މިޑްވައިފްރީ ކޯސް ނިންމާ ދަރިވަރުންނަށް މޯލްޑިވްސް ނާސިންގ ކައުންސިލުން ދޫކުރާ ސްޕެޝަލިސްޓް ނާސިން ލައިސަންސް ހޯދުމުގެ ފުރުސަތު ލިބިގެންދާނެއެވެ.
މިޕްރޮގްރާމާ ގުޅޭ އިތުރު މައުލޫމާތު ޒިކުރާ އިންޓަނޭޝަނަލް ކޮލެޖުގެ ވެބްސައިޓުންނާއި އެކޮލެޖުގެ ފޭސްބުކްޕޭޖް މެދުވެރިކޮށް ލިބޭނެއެވެ.