ސްޓެލްކޯގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތާ ގުޅިގެން މާލޭގެ ބައެއް ސަރަހައްދުތަކުން މިއަދު ކަރަންޓު ކެނޑިދާނެ ކަމަށް އެ ކުންފުނިން ބުނެފިއެވެ.
މިއަދު މެންދުރު 14:00 އިން 16:00 އަށް ކަރަންޓު ކެނޑިދާނެކަމަށް ލަފާކޮށްފައި ވަނީ، ހެންވޭރު ޖަނަވަރީ ހިނގުމާއި، ޖަނަވަރީ މަގުންނެވެ. އަދި ބުރުޒު މަގާއި ލޮނުޒިޔާރާތް މަގާއި އަމީނީ މަގާއި ރަތްވިލާ ހިނގުމުން ވެސް ކަރަންޓު ކެނޑިދާނެކަމަށް ލަފާކޮށްފައި ވެއެވެ.
މިކަމާ ގުޅިގެން ދިމާވެދާނެ ދަތިތަކަށް ސްޓެލްކޯއިން ވަނީ މާފަށް އެދިފައެވެ. އަދި މަސައްކަތް ނިމުނު އެންމެ އަވަހަކަށް ޚިދުމަތް ފޯރުކޮށްދޭނެ ކަމަށް އެ ކުންފުނިން ބުންޏެވެ.
މާލޭގެ ކަރަންޓު ވިއުގަ އަޕްގްރޭޑް ކުރުމުގެ މަސައްކަތް ކުރާތީ ވޭތުވެ ދިޔަ ދުވަސްތަކުގައި ވެސް މާލޭގެ ސަރަހައްދުތަކުން ކަރަންޓު ކެނޑިފައިވެއެވެ.