ދިވެހި ފުލުހުންގެ ޚިދުމަތާއި މޯލްޑިވްސް ނެޝަނަލް ޑިފެންސް ފޯސް ގުޅިގެން ކުރިއަށް ގެންދާ ކައުންޓަރ ޓެރަރިޒަމް އޮޕަރޭޝަންގައި 13 މީހަކު ހައްޔަރުކޮށްފިއެވެ.
ފުލުހުންގެ މީޑިއާ އޮފިޝަލް ވިދާޅުވީ މި އޮޕަރޭޝަންގައި މިހާތަނަށް ހައްޔަރުކޮށްފައި ވަނީ އައްޑޫ ސިޓީއިން ނުވަ މީހަކާއި މާލެއިން ދެ މީހަކާއި ކ. ގުރައިދޫން ދެ މީހަކު ކްމަށެވެ. އެ އެންމެންނަކީވެސް ދިވެހި ފިރިހެނުން ކަމުގައި ފުލުހުން ބުނެއެވެ.
އެ އޮޮޕަރޭޝަން ހިންގަމުން އަންނަނީ މާލޭގެ ބައެއް ސަރަހައްދުތަކުގެ އިތުރުން އައްޑޫ ހިމެނޭ ކަނޑުގެ ސަރަހައްދުގައި ކަމަށް ވެސް މީޑިއާ އޮފިޝަލް ވިދާޅުވިއެވެ.
އެ އޮޕަރޭޝަނާ ގުޅޭ އިތުރު ތަފްސީލު ފުލުހުން ހާމައެއް ނުކުރެއެވެ.
"ސަން"އަށް އެނގިފައިވާގޮތުގައި މި އޮޕަރޭޝަންގެ ދަށުން އައްޑޫ ސިޓީ ހިތަދޫގެ ގެއެއް ފުލުހުން ބަލައި ފާސްކޮށްފައިވެއެވެ. ބޮން ސްކޮޑް އާއި ގިނަ އަދަދެއްގެ އެސްއޯ ފުލުހުން ވެސް މި އޮޕަރޭޝަނުގައި ހަރަކާތްތެރިވެއެވެ.