ބައިނަލްއަޤްވާމީ ގޮތުން ފާހަގަކުރާ އިންސާނިއްޔަތުކަމުގެ ދުވަހާ ގުޅުވައިގެން ބޭންކް އޮފް މޯލްޑިވްސް އިން އެޑްވޮކޭޓިން ރައިޓްސް އޮފް ޗިލްޑްރަން (އާކް) އާ ގުޅިގެން އެހީތެރިކަން ބޭނުންވެފައި ތިބި ކުޑަކުދިންނަށް އަސާސީ ކާބޯތަކެތި ފޯރުކޮށްދީފިއެވެ.
އެ ޕްރޮގްރާމްގެ ދަށުން މިހާތަނަށް 100 އަށް ވުރެ ގިނަ އާއިލާތަކަށް އަސާސީ ކާބޯތަކެތީގެ ޕެކޭޖް ފޮނުވާފައިވާ ކަމަށް ބީއެމްއެލް އިން ބުނެއެވެ.
ބޭންކުން ވަނީ މިދިޔަ އަހަރު ވެސް އާއިލާތަކަށް ރަމަޟާން މަހު އެހީތެރިވުމަށް އާކް އަށް 100،000 ރުފިޔާ ހަދިޔާކޮށްފައެވެ.
ބީއެމްއެލް އިން މީގެ ކުރިން ވެސް އެފަދަ އެހީތެރިކަން ފޯރުކޮށްދީފައިވާރު ދާދި ފަހުން ވޯލްޑް އޯޝަންސް ޑޭ ފާހަގަ ކުރުމަށް އެ ބޭންކުން ޑައިވް ކްލަބްތަކާ ގުޅިގެން ނުކުޅެދުންތެރިކަން ހުންނަ ކުދިންނަށް 'ޑިސްކަވާ ޑައިވް' ގެ ހަރަކާތްތަކެއް ވަނީ ހިންގާފައެވެ.
އެ ޑައިވްގައި، މޯލްޑިވްސް އެސޯސިއޭޝަން ފޯ ޕާސަންސް ވިތް ޑިސޭބިލިޓީސް އަދި އޯޓިޒަމް އެސޯސިއޭޝަންގެ ފަރާތުން 18 ކުދިން ވަނީ ބައިވެރިވެފައެވެ.