ޖަރުމަނުގެ ބުންޑެސް ލީގާގައި މިރޭ ޗެމްޕިއަން ބަޔާން މިއުނިކާ ދެކޮޅަށް ކުލުނު މެޗުގައި ސްޓަޓްގާޓުން ބަޔާން މޮޅުވިޔަ ނުދީ ހިފަހައްޓައިފިއެވެ.
ބަޔާންގެ ދަނޑުގައި ކުޅުނު މި މެޗު ނިމުނީ 2-2 އިން ސެ ޓީމު އެއްވަރު ވެގެންނެވެ.
މިރޭގެ މެޗުގައި ފުރަތަމަ ލަނޑު ޖަހައި ލީޑު ނަގާފައިވަނީ ސްޓަޓްގާޓުންނެވެ. މެޗުގެ އަށް ވަނަ މިނެޓުގައި އެ ތީމަށް ލީޑު ނަގާދީފައިވަނީ ތިއާގޯ ތޯމަސްއެވެ. އޭނާ މި ލަނޑު ޖަހާފައިވަނީ އޮމަރް މާމޮއުޝް ތަނަވަސްކޮށްދިން ފުރުސަތެއްގައެވެ.
އޭގެ ފަހުން ބަޔާނުން ވަނީ ދެ ލަނޑު ޖަހައި މެޗުގެ ލީޑު ހޯދާފައެވެ. ބަޔާނަށް ނަތީޖާ ހަމަހަމަކޮށްދިން ލަނޑު މެޗުގެ 35 ވަނަ މިނެޓުގައި ޖަހައިދިނީ ސާޖް ގްނަބްރީއެވެ. އޭގެ ފަހުން މެޗުގެ 44 ވަނަ މިނެޓުގައި ބަޔާނަށް ލީޑު ނަގައިދިން ލަނޑު ޖަހައިދިނީ ތޯމަސް މުލާއެވެ.
ދެވަނަ ހާފު ފަށައިގެން ވެސް ބަޔާނުން ވަރުގަދަ ކުޅުމެއް ކުޅެމުން ދަނިކޮށް، ސްޓަޓްގާޓުން ވަނީ ލަނޑެއް ޖަހައި ނަތީޖާ ހަމަހަމަކޮށްފައެވެ. މެޗުގެ 52 ވަނަ މިނެޓުގައި މި ލަނޑު ޖަހައިދިނީ ސާސާއެވެ.
ބަޔާން އަތުން ލިބުނު އެއް ޕޮއިންޓާއެކު ސްޓަޓްގާޓު އޮތީ ރެލިގޭޝަންގެ ޕްލޭ އޮފް ޒޯންގައެވެ. އެއީ 33 މެޗުން 30 ޕޮއިންޓު ހޯދައިގެންނެވެ.
މި ސީޒަންގެ ލީގު ޗެމްޕިއަންކަން ބަޔާނުން ވަނީ ހޯދާފައެވެ. މިއާއެކު ބަޔާނުން ވަނީ ޖެހިޖެހިގެން 10 ވަނަ ފަހަރަށް ބަޔާނުން ބުންޑަސްލީގާ ކާމިޔާބުކޮށްފައެވެ.