ރައީސުލްޖުމްހޫރިއްޔާގެ ރަސްމީ ގެކޮޅު، މުލިއާގެ ސަރަހައްދު ބަންދުކޮށް އެ ސަރަހައްދުގައި ސިފައިންގެ ބޮން ސްކޮޑުން ހަރަކާތްތެރިވާން ފަށައިފިއެވެ.
އެ ސަރަހައްދުގައި ހުރި "ސަން"ގެ ނޫސްވެރިޔާ ބުނީ މުލިއާގޭގެ ފުރަގަހުގައި (ދެކުނު ފަރާތް) ސިފައިން ހަރަކާތްތެރިވަމުން އަންނަ ކަމަށެވެ.
"ސަން"އަށް އެނގިފައިވާ ގޮތުގައި ބޮން ސްކޮޑުން އެ ސަރަހައްދުގައި ހަަރަކާތްތެރިވަމުން ދަނީ މުލިއާގެ ކައިރިން ޝައްކު ކުރެވޭ އެއްޗެއް ފެނިގެންނެވެ.
މަންޒަރު ދުށް މީހުން ބުނީ އެ ސަރަހައްދުން ފެނުނީ އަންނައުނު އަޅާ ފޮއްޓެއް ކަމަށެވެ. ނަމަވެސް އޭގެ ތެރޭގައި ކޯއްޗެއް ކަމެއް ނޭނގޭ ކަމަށާއި އޭގެ ތެރެއިން ބައެއް އެއްޗެހި އެމްއެންޑީއެފް ބޮން ސްކޮޑުން ގެންދިޔަ ކަމަށް އޭނާ ބުންޏެވެ.
މުލީއާގެ ކައިރިން ފެނުނީ އަންނައުނު އަޅާ ފޮއްޓެއް -- ސަން ފޮޓޯ/ މުއާވިޔަތު އަންވަރު
މިކަމާ ގުޅޭ އެއްވެސް ތަފްސީލެއް ފުލުހުން އަދި ސިފައިން ވެސް ހާމަކޮށްފައެއް ނުވެއެވެ.