ހައުސިން ޑިވަލޮޕްމެންޓް ކޯޕަރޭޝަން (އެޗްޑީސީ)އިން ބަންގްލަދޭޝްގައި ދިރިއުޅޭ ރޮހިންޔާ މުސްލިމުންނަށް ޓަކައި ފެންވަޅެއް ބިނާކޮށްފިއެވެ.
އެޗްޑީސީން މި ވަޅު ބިނާކޮށްފައިވަނީ އިންޓަނޭޝަނަލް އެއިޑް ކެމްޕޭނު މެދުވެރިވެގެންނެވެ.
އެޗްޑީސީން ބިނާކުރި ވަޅުގެ އިތުރުން އެ ކޯޕަރޭޝަންގެ މުވައްޒަފުން އެ ކެމްޕެއިނަށް ފައިސާ ހަދިޔާ ކޮށްގެން، ބަންގްލަދޭޝްގައި އިތުރު ވަޅެއް ވެސް އަންނަނީ ބިނާ ކުރަމުންނެވެ. މި ވަޅު ވެސް ވަރަށް އަވަހަށް ބޭނުން ކުރެވެން ފަށާނެ ކަމަށް އެޗްޑީސީން ބުނެއެވެ.
އެޗްޑީސީން ބުނީ އެތައް ހާސް ރޮހިންޔާ މުސްލިމުންނެއް ސާފު ބޯފެނަށް ޖެހިފައިވާ ކަމަށާއި މިކަން ގިނަ ބައެއްގެ ސަމާލުކަމަށް ގެނެސް، ގިނަ ބަޔަކު ރޮހިންޔާ މުސްލިމުންނަށް އެހީވާން ޖެހޭ ކަމަށެވެ.
ހަމައެހެންމެ އެ ކޯޕަރޭޝަނުން އަބަދުވެސް މިކަމުގައި ހޭލުންތެރިކަން އިތުރުކުރުމަށް މަސައްކަތް ކުރާނެ ކަމަށް ވެސް ބުންޏެވެ.