ކަސްޓަމްސްގެ ބެލުމުގެ ދަށުގައި ހުރި ގިނަ އަދަދެއްގެ ބަނގުއާވިތަކެއް ނައްތާލައިފިއެވެ.
އެތަކެތި ނައްތާލާފައިވަނީ އޮގަސްޓް 10 ވަނަ ދުވަހު ކ. ތިލަފުށީގެ ކުނި ނައްތާލާ ސަރަހައްދުގައި ކަސްޓަމްސް އޮފިސަރުންނާއި މީޑިއާގެ ހާޒިރުގައެވެ.
ނައްތާލާފައިވަނީ 300 ކެގުގެ ބަނގުއާވި އެވެ. އެއީ ޖުމްލަ 9،000 ލީޓަރުގެ ބަނގުއާވި ކަމަށް ކަސްޓަމްސްއިން ބުންޏެވެ.
އެ ތަކެތި ނައްތާލީ ކަސްޓަމްސްގެ އާންމު ގަވާއިދުގެ 269 މާއްދާގެ ދަށުން ބޮންޑަޑް ވެއާހައުސްގައި ހުންނަ މުދާ ހަލާކުވުމުން ނުވަތަ މުއްދަތު ހަމަވުމުން ނުވަތަ އެ ނޫންވެސް ސަބަބަކާހުރެ ނައްތާލުމުގައި ކަސްޓަމްސްއިން އަމަލުކުރާ އުސޫލުގެ ދަށުންނެވެ.