ލަންކާ ކައިރިއަށް ބިންހެލުމެއް، ރާއްޖެއަށް ނުރައްކަލެއް ނެތް: މެޓް

ސްރީލަންކާ ދެކުނުން މިރޭ 20:06 ހާއިރު 5.2 މެގްނިޓިއުޑްގެ ބިންހެލުމެއް އައިސްފިއެވެ.

މޯލްޑިވްސް މީޓިއޮރޮލޮޖިކަލް ސާވިސަސް (މެޓް އޮފީސް) އިން ބުނީ މި ބިންހެލުން ރެކޯޑްކުރެވިފައިވަނީ އިންޑިއާ ކަނޑުގެ 10 ކިލޯމީޓަރު އަޑިންކަމަށެވެ.

އެ ބިންހެލުމުގެ އެއްވެސް ނުރައްކަލެއް ރާއްޖެއަށް ނުކުރާނެކަމަށް މެޓް އޮފީހުން ބުންޏެވެ. ބިންހެލުން އައިސްފައިވަނީ މާލެއާއި 968 ކިލޯމީޓަރު ދުރުން ކަމަށް މެޓް އޮފީހުން ބުންޏެވެ.

މިއީ ރާއްޖެއާ މިހާ ކައިރިން މިފަހުން އައި އެންމެ ބާރުގަދަ އެއް ބިންހެލުމެވެ.