ހދ. މަކުނުދޫއިން އެ އަތޮޅު ވައިކަރަދޫއަށް ފުރި މުދާ އުފުލާ ދޯންޏެއް މަކުނުދޫ ނެރަށް އަރައިފި އެވެ.
"ނަމޫނާ" ނަމަކަށް ކިޔާ 85 ފޫޓުގެ މި ދޯނި ދަތުރުކުރަމުންދިޔައީ އަށް ފަޅުވެރިންނާއެކުގަ އެވެ.
އެމްއެންޑީއެފްއިން ބުނީ މި ހާދިސާގެ ރިޕޯޓު ލިބުނީ ރޭ ދަންވަރު 2:08 ހާއިރު ކަމަށާއި މި ހާދިސާގެ ރިޕޯޓު ލިބުމާއެކު އެމްއެންޑީއެފް ނޮދާން އޭރިއާ ކޯސްޓްގާޑުން ހަރަކާތްތެރިވަމުންދާ ކަމަށެވެ.
މަކުނުދޫ ނެރަށް އެ ދޯނި އެރިއިރު ދޯނީގައި ހުރީ ހިލަ، ސިމެންތި އަދި ދަގަނޑެވެ. ދޯނި ފަރަށް އެރީ މީގެ ތެރެއިން ބައެއް ތަކެތި މަކުނުދޫއަށް ބޭލުމަށްފަހު ވައިކަރަދޫއަށް ފުރަން ފަޅުން ނިކުންނަން އުޅެނިކޮށެވެ.
ހާދިސާ ހިނގުމުން ދޯނީގައި ތިބި މީހުން ވަނީ މަކުނުދޫއަށް އަރާފަ އެވެ.