ބޭންކް އޮފް މޯލްޑިވްސްގެ ކާޑު ބޭނުންކޮށްގެން ޕެޓްރޯލް ޝެޑްތަކަށް ފައިސާ ދެއްކޭނެ އިންތިޒާމު ހަމަޖައްސައިފިއެވެ.
ބީއެމްއެލް އިން މިއަދު ކުރި ޓުވީޓެއްގައި ބުނީ ފިއުލް ސަޕްލައިސް މޯލްޑިވްސް (އެފްއެސްއެމް)ގެ ސްޓޭޝަންތަކަށް މިހާރު އެ ބޭންކުގެ ކާޑު ބޭނުންކޮށްގެން ފައިސާ ދެއްކޭނެ ކަމަށެވެ.
ބީއެމްއެލް ކާޑު މެދުވެރިކޮށް މާލޭގެ އިތުރުން، ހުޅުމާލެ އަދި ވިލިމާލޭގައި ހުންނަ އެފްއެސްއެމް ސްޓޭޝަންތަކަށް ވެސް ފައިިސާ ދެއްކޭނެއެވެ.
މިފަދަ އިންތިޒާމެއް ހަމަޖައްސާފައިވާއިރު، މިހާރު ރާއްޖޭގައި ހަލުވިކަމާއެކު ފެތުރެމުން އަންނަ ކޮވިޑް19 ރޯގާއިން ރައްކާތެރިވުމަށް، ވީވަރަކުން އޮންލައިން ވިޔަފާރީގެ މުއާމަލާތްތައް ކުރުމަށް ސިއްހީ މާހިރުން އަންނަނީ ބާރުއަޅަމުންނެވެ.