ތ. މަޑިފުށީގައި ރުކަށް އަރާ އުޅުނު މީހަކު ރުކުން ވެއްޓި، މަރުވެއްޖެ އެވެ.
ފުލުހުން ބުނީ މިއަދު މެންދުރު 2:00 އެހާކަން ހާއިރު ހިނގި ހާދިސާގައި މަރުވެފައި ވަނީ، އުމުރުން 36 އަހަރުގެ ދިވެހި ފިރިހެނެއް ކަމަށެވެ.
މަޑިފުށީ ކައުންސިލްގެ ނައިބު ރައީސް އައްބާސް އަހްމަދު "'ސަން" މިއަދު އަށް ވިދާޅުވީ، އެ މީހާ ވެއްޓިފައިވަނީ ބަނދަރު ސަރަހައްދު އަންހެނުންގެ ކެފޭ ކައިރީގައި ހުރި ރުކަކުން ކަމަށާއި އެ ރުކުގައި ގާތްގަޑަކަށް 50 ފޫޓު ހުންނާނެ ކަމަށެވެ. އަދި އޭނާ ވެއްޓުނީ ރުކުގެ ކޮޅުން ކަމަށް ވެސް މަންޒަރުދުށް މީހުނާއި ހަވާލާދީ އައްބާސް ވިދާޅުވި އެވެ.
އެނގިފައިވާ ގޮތުގައި އެ މީހާ ރުކުން ވެއްޓި އަތް ބިންދައިގެން ދިއުމުގެ އިތުރުން ނޭފަތާއި އަނގައިން ވެސް ލޭ އައިސް އެތެރެހައްޓަށް ވަނީ ވަރަށް ބޮޑަސް ގެއްލުން ވެފަ އެވެ.
އޭނާ މަރުވީ އެ ރަށު ހެލްތް ސެންޓަރަށް ގެންގޮސް ފަރުވާ ދެނިކޮށް ކަމަށް ވެސް ފުލުހުން ބުންޏެވެ.