ކެޕިޓަލް މާކެޓް ޑިވެލޮޕްމެންޓް އޮތޯރިޓީ (ސީއެމްޑީއޭ) ގެ ސީއީއޯ އިސްތިއުފާ ދެއްވައިފި އެވެ.
ސީއެމްޑީއޭގެ ސީއީއޯގެ މަގާމުގައި ހުންނެވި ނާދިޔާ ހަސަން މަގާމުން އިސްތިއުފާދެއްވީ މިދިޔަ މަހުގެ 29 ވަނަ ދުވަހުއެވެ.
އޭނާ މަގާމުން އިސްތިއުފާދެއްވި ސަބަބެއް ސީއެމްޑީއޭ އިން ހާމައެއް ނުކުރެއެވެ.
ސީއީއޯގެ މަގާމަށް އާ ބޭފުޅަކު އައްޔަނުކުރައްވަންދެން ސީއެމްޑީއޭގެ އެކްޓީން ސީއީއޯގެ މަގާމު އަދާކުރައްވާނީ އެ އޮތޯރިޓީގެ ޑިރެކްޓާ ޖެނެރަލް، ހެޑް އޮފް މާކެޓް ޑިވެލޮޕްމެންޓް ފާތިމަތު އަބްދުﷲ ކަމާލުއްދީން ކަމަށް ސީއެމްޑީއޭ އިން ބުންޏެވެ.