ސުޒުކީ އައުޓްބޯޑު އިންޖީނަށް ހާއްސަ ޕްރޮމޯޝަނެއް އެމްޓީސީސީ އިން ފަށައިފި އެވެ.
މިއަދުން ފެށިގެން ޖޫން 12ގެ ނިޔަލަށް ކުރިއަށްގެންދާ މި ޕްރޮމޯޝަނުގެ ދަށުން ސުޒުކީ އައުޓްބޯޑު އިންޖީނުތައް ޑިސްކައުންޓް އަގެއްގައި ލިބޭނެ އެވެ.
އެމްޓީސީސީގެ ޖެނެރަމް މެނޭޖަރު އިސްމާއިލް އަދުހަމް ވިދާޅުވީ މިއަދުފެށި ސުޒުކީ ރޯދަ ޕްރޮމޯގެ ދަށުން 9.9 ހޯޯސްޕަވަރުން ފެށިގެން 150 ހޯސްޕަވަރާ ހިސާބަށް ލިބޭނެ ކަމަށެވެ.
"މި ޕްރޮމޯޝަނުގައި 15 ޕަސެންޓާ ހަމައަށް ސުޒުކީ އައުޓްބޯޑު އިންޖީން ލިބިވަޑައިގަންނަވާނެ. އެއީ ގާތްގަނޑަކަށް 150 ހޯސްޕަވަރުގެ އިންޖީނަކުން ވިއްޔާ 40،000 ރުފިޔާގެ ޑިސްކައުންޓެއް،" އަދުހަމް ވިދާޅުވި އެވެ.
އެމްޓީސީސީ ސުޒުކި ޕްރޮމޯ ފެށުން -- ސަން ފޮޓޯ
"ރަށްރަށުގައި އުޅޭ މީހުންނަކީ ރަށާ ކައިރި ސަރަހައްދުތަކުން މަސްވެރިކަން ކުރާ މީހުން. މި ޕްރޮމޯޝަނާއެކު ކުދި އިންޖީނުތައް ވަރަށް ޕޮޕިޔުލާ ވާނެ،" އަދުހަމް ވިދާޅުވީ މި ޕްރޮމޯޝަނުގެ ދަށުން އިންޖީނު ގަންނަ ކަސްޓަމަރުންނަކީ މާލެއިން ބޭރުގައި އުޅޭ ކަސްޓަމަރުންކަމަށްވާ ނަމަ، ފައިސާ ޑިޕޮސިޓްކޮށްގެން ވެސް އިންޖީނު ގަނެވޭނެ ކަމަށެވެ.