އެމްޓީސީސީގެ "ކަށަވަރު" ޕްރޮމޯޝަން ފަށައިފި

އެމްޓީސީސީން 2016 ވަނަ އަހަރުން ފެށިގެން ކުރިއަށްގެންދާ ސާބަސް ޔަންމާ ޕްރޮމޯޝަންގެ ހަތަރުވަނަ ޕްރޮމޯޝަން މިއަދު ފަށައިފިއެވެ.

"ކަށަވަރު"ގެ ނަމުގައި މިއަދު ފެށި ޕްރޮމޯޝަން، އަންނަ އަހަރުގެ ޖަނަވަރީ މަހުގެ 10ވަނަ ދުވަހުގެ ނިޔަލަށް ކުރިއަށްދާނެއެވެ.

ޕްރޮމޯޝަން ލޯންޗު ކުރުމަށްފަހުގައި ވާހަކަފުޅު ދައްކަވަމުން އެ ކުންފުނީގެ ޖެނެރަލް މެނޭޖަރު އިސްމާއިލް އަދުހަމް ވިދާޅުވީ މި ޕްރޮމޯޝަނަކީ ކޮންމެ އަހަރެއް ނިމެންދާއިރު ބާއްވާ ޕްރޮމޯޝަނެއް ކަމަށާއި މި ފަހަރުގެ ޕްރޮމޯޝަންގައި ޓާގެޓްކޮށްފައިވަނީ ސުޒުކީ އައުޓްބޯޑް އިންޖީން އަދި ޔަންމާ އައުޓްބޯޑް އިންޖީނަށް ކަމަށެވެ.

"މި ޕްރޮމޯޝަންގައި ހުރިހާ ސުޒުކީ އިންޖީންތަކުން ފަސް ޕަސެންޓާ 16 ޕަސެންޓާ ދޭތެރޭ ޑިސްކައުންޓް ލިބޭނެ. އަދި ޔަންމާގެ ދެ މޮޑެލް އެއް ބައިވެރިކުރަން. އެއީ 170 އާއި 210ގެ ހޯސްޕަވަރާ ދެމެދުގެ އިންޖީނުތައް،"

ޕްރޮމޯޝަން ލޯންޗު ކުރުމަށްފަހުގައި ވާހަކަފުޅު ދައްކަވަމުން އެ ކުންފުނީގެ ޖެނެރަލް މެނޭޖަރު އިސްމާއިލް އަދުހަމް ވާހަކަފުޅު ދައްކަވަނީ--- ސަން ފޮޓޯ/ ފަޔާޒު މޫސާ

އަދުހަމް އިތުރަށް ވިދާޅުވީ، ޔަންމާ ކިޓު އަދި ސުޒުކީ މެއިންޓަނެންސް ކިޓޫގެ 38 އިންސަންތަ ޑިސްކައުންޓް ލިބޭނެ ކަމަށެވެ.

މި ކެމްޕެއިންގެ އިތުރު ހަރަކާތްތަކެއްވެސް އަތޮޅުތެރޭގައި ވެސް ކުރިއަށް ގެންދިޔުމަށް ނިންމާފައިވާ ކަމަށް ވެސް އޭނާ ވިދާޅުވިއެވެ.

އޭނާ ވިދާޅުވީ ކުރީ އަހަރުތަކާ ޚިލާފަށް މިއަހަރުގެ ހުރިހާ ސުޒުކީ އިންޖީނަކުން އަދި މެއިންޓަނޭންސް ކިޓުގައި ޑިސްކައުންޓްގެ އިންސައްތަ މަތިވާނެކަމަށެވެ.

އެމްޓީސީސީއަކީ ޔަންމާ އިންޖީނާއި ސުޒުކީ އައުޓްބޯޑު އިންޖީނާއި، ކާސްޓްރޯލް އަޑީތެލާއި ސިގްމާ އެންޓިފައުލިން ސިސްޓަމް އަދި ސްކޮޓް ބާޑާ ބްރޭންޑްގެ ފައިބަރުކުރާ ސާމާނުގެ، ރާއްޖޭގެ އޮތޮރައިޒްޑް ޑިސްޓްރިބިއުޓަރެވެ.