އަންނަ ބުދަ ދުވަހުގެ ނިޔަލަށް ފިތުރު ޒަކާތް ބަލައިގަންނާނެ ކަމަށް އިސްލާމިކް މިނިސްޓްރީން ބުނެފި އެވެ.
އިސްލާމިކް މިނިސްޓްރީން މިއަދު ނެރުނު ބަޔާނުގައި ބުނީ ފިތުރު ޒަކާތް މިހާތަނަށް ނުދައްކާ އޮތް ފަރާތްތަކަށް ފިތުރު ޒަކާތް ދެއްކުމުގެ ފުރުސަތު އަދި ވެސް ހުޅުވާލައިފައިވާ ކަމަށެވެ.
އިސްލާމިކް މިނިސްޓްރީން ބުނީ މިނިސްޓްރީ އޮފް އިސްލާމިކް އެފެއާޒްގެ ހޯލުގައި ހެނދުނު 10:00 މެންދުރު 02:00 އަށް ފިތުރު ޒަކާތް ދެއްކުމުގެ ފުރުސަތު ހުޅުވާލައިފައިވާ ކަމަށެވެ.
އިސްލާމިކް މިނިސްޓްރީން ބުނީ ރޯދަ މަހުގެ އެންމެ ފަހުގެ ދުވަސް ބުރާސްފަތި ދުވަހުގެ ގޮތުގައި ހަމަޖެހިއްޖެ ނަމަ އެދުވަހު ވެސް ފިތުރު ޒަކާތް ބަލައިގަންނާނެ ކަމަށެވެ.
ފިތުރު ޒަކާތް އާންމުންނަށް ފަސޭއައިން ދެއްކޭނެގޮތް ހެދުމުގެ ގޮތުން އޮންލައިންކޮށް ޒަކާތް ދެއްކޭނެގޮތް އިސްލާމިކް މިނިސްޓްރީން ހަމަޖައްސައިދިނެވެ. ނަމަވެސް އޮންލައިންކޮށް ފިތުރު ޒަކާތް ދެއްކުމުގެ ފުރުސަތު އިއްޔެއާ ހަމައަށް ވަނީ ހަމަވެފަ އެވެ.
ފައިސާގެ ބަދަލުގައި ގޮވާމުގެ ބާވަތްތަކުންް ފިތުރު ޒަކާތް ދެއްކުމުގެ ފުރުސަތު އަންނަ ބުދަ ދުވަހާ ހަމައަށް އިސްލާމިކް މިނިސްޓްރީން ވަނީ ހުޅުވާލައިފަ އެވެ.