ރަމަޟާން މަހުގެ ރޯދަ ވީއްލާ ގަޑިއަކީ ޚާއްސަ ވަގުތެކެވެ. ބައެއްފަހަރު އެކުވެރިންނާއި އޮފީސް މީހުން އަދި އާއިލާ އާއެކު ރޯދަވީއްލުމަށް ބޭރަށް ދެއެވެ. ގެއިން ބޭރުން ރޯދަ ވީއްލާނަމަ މިފަހަރު ދާންވީ ޖެން އަށެވެ. އެމީހުންގެ ބޮޑު މެނޫއެއް އެބައޮތެވެ. މީރު ރަހަތަކަށް ޖެންގެ ލައިމް ރެސްޓޯރެންޓުގައި އިންސާފުކޮށްލައިގެން އިނާމުތައް ހޯދުމުގެ ފުރުސަތުވެސް އެބައޮތެވެ.
އިންޓަނޭޝަނަލް ރަހަތަކެއް: ހޮޓެލް ޖެންގެ އިފްތާރު މެނޫތައް މިފަހަރު ޚާއްސަ ކޮށްފައިވަނީ އަރަބި ތީމް ތަކަށެވެ. ކޮންމެ ދުވަހަކުވެސް އަރަބި ރަހަތަކާއެކު އިންޓަނޭޝަނަލް ގިނަ ރަހަތަކެއް ތަޖުރިބާކޮށްލެވޭނެއެވެ. ޖެންގެ ޝެފުންނަކީ އިންޓަނޭޝަނަލް ސެޓިފައިޑް، ކެއްކުމުގެ ތަޖުރިބާކާރު ޝެފުންނެވެ. ރަހައާއި ކޮލެޓީ އާމެދު ޝައްކު ކުރާނެ ފުރުސަތެއް ނޯންނާނެއެވެ. ޖެންގެ ރަހަތަކަކީ ކޮލެޓީ މީރު ރަހަތަކަކަށް ވާނެ ކަމުގެ ޔަގީންކަން އެ ހޮޓަލުން ދެއެވެ.
އަގުބޮޑު އިނާމުތައް: ޖެން އިން ރޯދަ ވީއްލަން ދާ މީހުންގެ މެދުގައި ގުރުއަތުލައި ކޮންމެ އަހަރަކުވެސް ބޮޑެތި އިނާމުތައް ދޫކޮށްލައެވެ. މިފަހަރު ހަ އިނާމެއް ދޫކޮށްލާނެއެވެ. އެކި ގައުމުތަކުގައި ހުންނަ ޝަންގްރިއްލާގެ ހޮޓެލް ތަކުގައި ޗުއްޓީ ހޭދަކޮށްލުމުގެ ފުރުސަތު ބޭނުންނަމަ އަވަހަށް ދާންވީ ޖެންއަށް ރޯދަވީއްލާށެވެ.
އެއްވަނަ އިނާމު: ސްކޫޓް އެއާލައިން އާ ގުޅިގެން ކުރިއަށް ގެންދާ ޕްރޮމޯޝަނުގެ އެއްވަނަ އިނާމަކީ ސިންގަޕޫރު ދެކޮޅު ޓިކެޓާ އެކު ސިންގަޕޫރުގައި ހުންނަ ހޮޓެލް ޖެންގެ ޓެންގްލިން ހޮޓަލުގައި ދެ މީހަކަށް ތިން ދުވަހުގެ ހުރުން ބްރޭކްފާސްޓް އާއެކު.
ދެވަނަ އިނާމު: މެލޭޝިއާ ދެކޮޅު ޓިކެޓާއެކު އެގައުމުގައި ހުންނަ ހޮޓެލް ޖެންގެ ޕެނޭންގް ހޮޓަލުގައި ދެމީހެއްގެ ހުރުން ބްރޭކްފާސްޓް އާއެއެކު ތިން ދުވަސް.
ތިންވަނަ އިނާމު: ފިލިޕީންސް ދެކޮޅު ޓިކެޓު ދެމީހަކަށް އަދި މެނީލާގައި ހުންނަ ޖެން ހޮޓެލްގައި ދެ މީހަކަށް ތިން ދުވަހުގެ ހުރުން، ބްރޭކް ފާސްޓާއެކު ތިން ދުވަސް.
މި ތިން ޑެސްޓިނޭޝަނަށް ޓިކެޓް ސްޕޮންސާ ކޮށްފައިވަނީ ސްކޫޓް އެއާލައިނުންނެވެ. ސްކޫޓް އެއާލައިނަކީ 66 ޑެސްޓިނޭޝަނަކަށް ދަތުރުކުރާ ސިންގަޕޫރޯ އެއާލައިނުން ހިންގާ ބަޖެޓް އެއާލައިނެކެވެ.
މީގެ އިތުރުން ޖެންގެ އިފްތާރުގައި ބައިވެރިވާ މީހުންގެ މެދުގައި ނަގާ ގުރުއަތުން ހަތަރު ވަނައަށް ހޮވޭ ފަރާތަކަށް ކުުއަލަލަންޕޫރުގައި ހުންނަ ޓްރޭޑާސް ހޮޓަލުގައި ދެމީހެއްގެ ހުރުން ބްރޭކްފާސްޓާއެކު ލިބޭއިރު ފަސްވަނަ އިނާމަކީ ތިން ދުވަހު ހޮޓެލް ޖެން ހޮންކޮންގްގައި ދެ މީހެއްގެ ހުރުން ބްރޭކް ފާސްޓާއެކު އެވެ. މީގެ އިތުރުން ހަވަނަ އިނާމަކަށް ޗައިނާގައި ހުންނަ ހޮޓެލް ޖެން ޝެންޔަންގްގައި ދެމީހެއްގެ ހުރުން، ތިން ދުވަހަށެވެ.
ޖެން އިން ބުނީ ރޯދައަށްފަހު، ޖޫން މަސް ނިމުމުގެ ކުރިން މި އިނާމުތަކުގެ ނަސީބުވެރިން ހޮވާނެ ކަމަށެވެ.
ޖެންގެ އިފްތާރު މެނޫގެ އަގު އުޅެނީ ބޮޑުމީހަކަށް 665 ރުފިޔާ އަދި 6 އަހަރާ 11 އަހަރާ ދެމެދުގެ ކުއްޖަކަށް 333 ރުފިޔާއެވެ. މީހަކަށް ހަދިޔާއެއްގެ ގޮތުގައި "އިފްތާރު ވައުޗާ" އެއްވެސް ދެވިދާނެއެވެ. މީގެ އިތުރުން ގޯލްޑަން ސާކަލް މެންބަރުންނަށް 10 ޕަސެންޓް ޑިސްކައުންޓް ވެސް ލިބޭނެއެވެ.