ބްރޯޑްކާސްޓިންގް ކޮމިޝަނުގެ ހުސްވެފައިވާ ދެ މަގާމަށް އެދި 36 ބޭފުޅަކު ކުރިމަތިލައިފި އެވެ.
ބްރޯޑް ކޮމްގެ ދެ މެމްބަރަކު އިސްތިއުފާ ދެއްވުމާ ގުޅިގެން އެ ދެ މަގާމަށް ކުރިމަތިލީ ފަރާތްތަކުގެ ނަންތައް ރައީސް އިބްރާހިމް މުހައްމަދު ސޯލިހު ރައްޔިތުންގެ މަޖިލީހަށް ފޮނުވުމުން އެ ނަންތައް ދިރާސާ ކުރުމަށް މިރޭ ވަނީ މިނިވަން މުއައްސަސާތަކުގެ ކޮމިޓީއަށް ފޮނުވާފަ އެވެ.
ބްރޯޑްކޮމް އަށް ކުރިމަތިލީ ފަރާތްތަކުގެ ތެރޭގައި މީޑިއާގެ ދާއިރާގައި ގިނަ ދުވަސްތަކެއް ވަންދެން މަސައްކަތް ކުރެއްވި ބޭފުޅުންވެސް ހިމެނެ އެވެ.
ބްރޯޑްކޮމް ގެ މެމްބަރުކަމަށް އެދުނު ފަރާތްތައް
ޝިފްލާ އިބްރާހިމް، މުހައްމަދު ހިލްމީ، އަހުމަދު ގައިސް، އަލީ ޔޫސުފް، އާމިލާ އާދަމް، އަހުމަދު ފައިރޫޒު، ޖައުފަރު ރަޝީދު، އައިޝަތު ދިޔާނާ ތާހިރު، ސައުދާ ސަލީމް، ނަފީސް މުހައްމަދު، އަބްދުއްލަތީފް އަހުމަދު، ޔުސްރާ އަހުމަދު، އިބްރާހިމް އަޝްރަފް، އަބްދުﷲ ރައްޔާން، އައިޝަތު ލީޒާ، ޔަމާން މުސްތާގު، މޫސާ ރިލްވާން، އިބްރާހިމް ޝަރީފް، މޫމިނާ އާދަމް، އަލީ ސަމްއާން، އަހުމަދު މައުރޫފު، އައިޝަތު ހުސައިން މަނިކު، ފާތިނާ ގާސިމް، މުހައްމަދު ޝަމްއޫނު، ހިދާޔަތުއްﷲ، އައިޝަތު ތަޝްކީލް، އަލީ ސާޖިދު، މުހައްމަދު ޝަނޫނު، އަލީ ސައީދު، މުހައްމަދު ސައުޒަމް، އިބްރާހިމް ހަމްޒާ ހަލީލް، މުހައްމަދު އިބްރާހިމް މަނިކު، މަރިޔަމް ސައާދާ، އާފިޔާ އަބްދުލްއަޒީޒު، އިބްރާހިމް ނަޝީދު، މުހައްމަދު ފަރުހާދު
ރައީސް ސޯލިހު މަޖިލީހަށް ހުށަހެޅި ސިޓީފުޅުގައި ވިދާޅުވެފައިވަނީ ނަންތައް މަޖިލީހަށް ފޮނުއްވާފައިވަނީ އެމަނިކުފާނު އިސްކަންދެއްވާ ތަރުތީބުން ކަމަށެވެ.
ބްރޯޑް ކޮމްގެ މެމްބަރުކަމުގެ ދެ މަގާމެއް ހުސްވެފައި މިވަނީ އެ ކޮމިޝަނުގެ މެމްބަރު އިސްމާއިލް ސޮފްއާން އަދި ހުސައިން ނަބާހު އިސްތިއުފާ ދެއްވުމުންނެވެ.
ބްރޮޑްކޮމްއަށް މެމްބަރުން އައްޔަނު ކުރުމަށް ރައީސް ނަންފުޅުތައް ފޮނުއްވާފައިވާއިރު މިހާރު ބްރޯޑްކޮމްގެ ރައީސް މުހައްމަދު ޝަހީބް އަދި ނައިބު ރައީސް ފާތިމަތު ޒައިނާ މަގާމުން ވަކިކުރުމަށް ރައްޔިތުންގެ މަޖިލީހުގެ މިނިވަން މުއައްސަސާތަކުގެ ކޮމިޓީއިން ނިންމައި އެމައްސަލަ ވަނީ ތަޅުމަށް ފޮނުވާފަ އެވެ. އެމައްސަލަ ތަޅުމަށް ފޮނުވިތާ މަސް ދުވަސްވީއިރުވެސް އަދިވެސް އެމައްސަލަ ތާވަލުކޮށްފައެއް ނުވެ އެވެ. ތާވަލު ނުކޮށް ލަސްވާ ސަބަބެއް ސާފެއް ނުވެ އެވެ.