އީމެއިލް ބޭނުންކުރާ މީހަކަށް މިއީ އާންމުކޮށް ލިބޭ މެސެޖެކެވެ. ނައިޖީރިއާގެ ޕްރިންސަކު މަރުވި އިރުު އޭނާގެ ވާރުތަ މުދަލުން ބައެއް ތިބާއަށް ބައެއް ކަނޑައަޅާފައިވާ ކަމަށާއި، އެ ފައިސާ ތިބާއަށް ފޮނުވަން ބޭނުންވާ ކަމަށެވެ. އަދި ތިބާގެ ބޭންކު އެކައުންޓާ، ކްރެޑިޓް ކާޑުގެ މައުލޫމާތު ހިއްސާކުރުމަށް އެދެ އެވެ.
އެމެރިކާގެ ފުލުހުން ވަނީ 18 މަސް ދުވަސް ވަންދެން ކުރި މަސައްކަތުން އޮޅުވާލައިގެން ފައިސާ ހޯދައި، ނައިޖީރިއާއަށް ފައިސާ ފޮނުވުމުގައި ހަރަކާތްތެރިވި އެމެރިކާގެ 67 އަހަރުގެ ފިރިހެނަކު މިހަފުތާގައި ވަނީ ހައްޔަރުކޮށްފަ އެވެ. މައިކަލް ނިއު ކިޔާ އެފިރިހެން މީހާއާ ދެކޮޅަށް ފުލުހުން ވަނީ 269 މައްސަލަ ހުށަހަޅައިފަ އެވެ.
އެމެރިކާގެ ފުލުހުން ބުނި ގޮތުގައި މައިކަލް ވަނީ އެތަކެއް ބައެއްގެ އަތުން ފައިސާ ހޯދުމުގެ ގޮތުން އެތަކެއް ސަތޭކަ އީމެއިލްތަކެއް ތައްޔާރުކޮށްފަ އެެވެ.
މައިކަލްގެ ތަގުގީގު މިހާރު ކުރިއަށްދާ އިރު، އީމެެއިލް ބޭނުންކޮށްގެން އޮޅުވާލައިގެން ފައިސާ ހޯދުމުގައި ޝާމިލްވާ އިތުރު ފަރާތްތައް ވެސް ވަރަށް އަވަހަަށް އެނގިގެންދާނެ ކަމަށް މިހާރު ވަނީ ބެލެވިފަ އެވެ.
އެމެރިކާގެ ސިލްޑެލް ޕޮލިސް ޑިޕާޓްމަންޓުން ބުނީ އޮޅުވާލައިގެން މީހުންގެ އަތުން މިލިއަނުން ފައިސާ ހޯދުމުގެ މައްސަލަތައް ކޮންމެ އަހަރަކު ވެސް ހިނގާ ކަމަށެވެ.
"އޮޅުވާލައިގެން ފައިސާ ހޯދާ މީހުންގެ ވާހަކަތަކަށް ހެއްލިދާނެކަމަށް ގަބޫލުކުރަން ދަތިވެދާނެ. މީހުން އެކަން ނަގާނީ ޖޯކެއްގެ ގޮތުގައި. އެހެެން ނަމަވެސް ކޮންމެ އަހަރަކު ވެސް އޮޅުވާލައިގެން މީހުންގެ އަތުން މިލިއަނުން ފައިސާ ހޯދުމުގެ އެކިއެކި މައްސަލަތައް ފުލުހުންނަށް ހުށަހަޅާ،" ސްލިޑެލް ފުލުހުން ނެރުނު ބަޔާނެއްގައި ބުންޏެވެ.