ރާއްޖެ އޮންލައިން (އާރއޯއެލް) އާއި ކެއާ ސޮސައިޓީ އާއެކު އެއްބަސްވުމެއްގައި ސޮއިކޮށްފިއެވެ.
އިއްޔެ އާރްއޯއެލްގައި ބޭއްވި ރަސްމިއްޔާތުގައިި، އެއްބަސްވުމުގައި އާރްއޯއެލްގެ ފަރާތުން ސޮއި ކުރެއްވީ ހެޑް އޮފް މާކެޓިން މަނާލް ލަތީފް އެވެ. އަދި ކެއާ ސޮސައިޓީގެ ފަރާތުން އެއްބަސްވުމުގައި ސޮއިކުރެއްވީ އެގްޒެކެޓިވް ޑިރެކްޓަރު ނައުޝާން މުހައިމިން އެވެ.
މި އެއްބަސްވުމުގެ ދަށުން އާރްއޯއެލް ވެގެންދާނީ ކެއާ ސޮސައިޓީގެ އެކްޓިވް ޕާޓްނަރަކަށެވެ. އަދި އާރްއޯއެލްގެ ފަރާތުން މި އެއްބަސްވުމުގެ މުއްދަތުގެ ތެރޭގައި ކެއާސޮސައިޓީއަށް ހިލޭ އިންޓަނެޓް ފޯރުކޮށްދެވިގެންދާނެއެވެ.
ިއެއްބަސްވުމުގެ ދަށުން ދެފަރާތަށްވެސް ފައިދާ ކުރާނެކަމަށާއި އެއްބަސްވުމުގެ އެންމެ ބޮޑު މަގުސަދަކީ، ކޯޕަރޭޓް ޕާޓްނާޝިޕެއް އާރްއޯއެލް އާއި ކެއާ ސޮސައިޓީ އާ ދެމެދުު ގާއިމްކުރުން ކަމުގަ އާރްއޯއެލްއިން ބުންޏެވެ.
އެ ރަސްމިއްޔާތުގައި ވާހަކަދައްވަމުން މަނާލް ވިދާޅުވީ، އިންޓަނެޓްގެ ބޭނުން އެންމެ ބޮޑުވެފައިވާ ޒަމާނެއްގައި އާރްއޯއެލްގެ ފަރާތުން ކެއާ ސޮސައިޓީގެ ދަރިވަރުންނާ ކެއާސޮސައިޓީގެ މުވައްޒަފުންނަށް އިންޓަނެޓްގެ ހިދުމަތް ފޯރުކޮށްދެވޭތީ އުފާކުރާ ކަމަށެވެ.
އާރްއޯއެލްއަކީ ރާއްޖެއަށް އިންޓަނެޓްގެ ހިދުމަތް ފޯރުކޮށްދެމުން އަންނަތާ ދިހަ އަހަރުވެފައިވާ ސައްތައިން ސައްތަ ދިވެހިންގެ ކުންފުންޏެކެވެ.