އިންސާނީ ތަރައްގީއަށް އެހީތެރިކަން ހޯދުމަށް މަސައްކަތްކުރާ "އެހީ ޖަމިއްޔާ"އިން އިންޓަނޭޝަނަލް އެއިޑް ކެމްޕެއިންގެ ނަމުގައި ހިންގި ހަރަކާތްތަކުން ސީރިއާގައި ހާލުގައި ޖެހިފައިވާ މީހުންނަށް އަށް މިލިއަން ރުފިޔާގެ އެހީގެ ތަކެތި ހަދިޔާ ކުރުމަށްފަހު، މިޔަންމާގެ ރޮހިންޔާ މުސްލިމުންނަށް އެހީވުމަށް 39 ޖަމިއްޔާއަކާ ގުޅިގެން މަސައްކަތް ފަށައިފިއެވެ.
ރޮހިންޔާ މުސްލިމުންނަށް އެހީވުމަށް ހިންގުމަށް ހަމަޖެހިފައިވާ ކެމްޕެއިނާ ބެހޭ ގޮތުން މައުލޫމާތު ދިނުމަށް ދިވެހިރާއްޖޭގެ އަޑުގެ ސެނެކޯ މާލަމުގައި މިއަދު ހަވީރު ބޭއްވި ނިއުސް ކޮންފަރެންސްގައި ވާހަކަ ދައްކަވަމުން އެހީ ޖަމިއްޔާގެ މީޑިއާ ކޯޑިނޭޓަރު އަހުމަދު އިގުބާލު ވިދާޅުވީ އެ ޖަމިއްޔާއިން ތުރުކީގެ އެހީދޭ ޖަމިއްޔާއަކާ ގުޅިގެން ކުރިއަށް ގެންދިޔަ ހަރަަކާތްތަކުގައި އެހީގެ ތަކެތީގެ ގޮތުގައި 11 ބާވަތެެއްގެ ތަކެތި ސީރިއާގެ ރެފިއުޖީންނަށް ހަދިޔާ ކުރި ކަމަށެވެ. އޭގެ ތެރޭގައި ފައިވާން، އަންނައުނު، ނެޕީ އަދި މަސްދަޅު ހިމެނޭ ކަމަށް އޭނާ ވިދާޅުވި އެވެ.
ނޫސްވެރިންގެ ބައްދަލުވުމުގައި އެހީ ޖަމިއްޔާއިން ވަނީ ރޮހިންޔާ މުސްލިމުންނަށް އެހީވުމަށް ފައިސާ އެއްކުރުމަށް ތަފާތު ހަރަކާތްތައް ބޭއްވުމަށް 14 އެންޖީއޯއެކު ސޮއިކޮށްފަ އެވެ.
އެހީ ޖަމިއްޔާގެ އެނަލިސްޓު މީޑިއާ ހެޑް މުހައްމަދު އަލީ ވިދާޅުވީ އެ ކެމްޕޭނުގައި ބައިވެރިވާ ފަރާތްތަކާއެކު އަންނަ މަހުގެ ފަހަކާ ހިސާބަށް ފައިސާ އެއްކުރުމަށް ތަފާތު ހަރަކާތްތައް ކުރިއަށް ގެންދާނެއެވެ. ހެލްޕު ކެމްޕޭނުގައި ބައިވެރިވާ އެންޖީއޯތަކުގެ ތެރޭގައި މާލޭގެ 10 އެންޖީއޯއަކާއި އަދި ރާއްޖެތެރޭގެ 20 އެންޖީއޯ ހިމެނޭ ކަމަށް އެހީ ޖަމިއްޔާ އިން ބުންޏެވެ.
ސީރިއާ އެހީ ކެމްޕޭނުގައި އެހީގެ ތަކެތި ގެންދިޔުމުގައި ވަރަށް ބޮޑެތި ގޮންޖެހުންތައް ކުރިމަތިވި ކަމަށާއި އެހެންކަމުން މިފަހުރުގެ ކެމްޕޭން ހާއްސަކުރަނީ ފައިސާ އެއްކުރުމަށް ކަމަށް އެހީ ޖަމިއްޔާއިން ބުންޏެވެ. އަމާޒަކީ މިނިލިއަނެއްހާ ރުފިޔާ އެއްކުރުން ކަމަށް އެ ޖަމިއްޔާއިން ބުންޏެވެ. އަދި ބުނީ ފަންޑްރެއިސިން ޕްރޮގްރާމްތައް ކުރިއަށް ގެންދާއިރު އެކި ނަންނަމުގެ ނަމުގައި އޮޅުވައިލައިގެން ފައިސާ ހޯދާތީ އެކަމަށް ސަމާލުވެ ތިބުވުމަށާއި އެކަމަށް ރައްކާތެރިވުމަށް އެދިވަޑައިގަންނަވާ ކަށް އެ ޖަމިއްޔާއިން ބުންޏެވެ.