ހުޅަނގު އޮސްޓްރޭލިއާގެ ޕާރތުގައި ދިރިއުޅޭ ދިވެހީން އެކުވެ، ފިތުރު އީދު ފާހަގަކުރުމަށް ހަރަކާތްތަކެއް ބާއްވައިފިއެވެ.
ޕާރތުގައި ދިރިއުޅޭ ދިވެއްސަކު "ސަން"އަށް ކިޔައިދިން ގޮތުގައި، މިއަދު ފިތުރު ނަމާދުކުރުމަށް، އެ ސިޓީގެ ލެންގްފޯޑް މިސްކިތަށް އެ ސިޓީގައި އުޅޭ 32 ދިވެއްސަކު އެކުގައި ދިޔައެވެ. ޕާރތުގެ ލެންގްފޯޑް މިސްކިތުގައި މިއަދު 1،000 އަށް ވުރެ ގިނަ ރައްޔިތުން ޖަމާއަތުގައި އީދު ނަމާދު ކުރިއެވެ.
އޮސްޓްރޭލިއާގެ ޕާރތުގައި މިއަދު ފިތުރު އީދު ފާހަގަކރުަން އެއްވި ދިވެހީން --- ފޮޓޯ/ ކިޔުންތެރިއެއް
ޕާރތުގައި ދިރިއުޅޭ ދިވެހީންގެ އީދު ހަރަކާތްތައް މިއަދު ފެށީ، އީދު ނަމާދަށް ފަހު އޮތް ބޮޑު ދިވެހި ސަޔަކުންނެވެ. އެއަށްފަހު، އީދާއި ރާއްޖޭގެ ސަގާފަތާ ގުޅޭ ޚައްސަ ކުއިޒެއް ކުރިޔަށް ގެންދިޔައެވެ.
އޮސްޓްރޭލިއާގެ ޕާރތުގައި މިއަދު ފިތުރު އީދު ފާހަގަކުރަން އެއްވި ދިވެހީން --- ފޮޓޯ/ ކިޔުންތެރިއެއް
"ސަން"އާ ވާހަކަދެއްކި ފަރާތުން ބުނި ގޮތުގައި، އީދުގެ އުފަލުގައި ދިވެހީން މިއަދު ވަނީ އެކުގައި ކުޅިވަރުވެސް ކުޅެފައެވެ. އެގޮތުން ޑޮޖްބޯލްއާއި ބަށި ފަދަ ކުޅިވަރުތައް އޮސްޓްރޭލިއާގައި ދިވެހީން މިއަދު ކުޅުނެވެ.
ޕާރތުގައި މިއަދު ފިނިހޫނުމިން ދަށްވެ، ފިނިގަދަވި ނަމަވެސް އީދުގެ މުނާސަބަތުގައި ހިންގި ހަރަކާތުގައި ގިނަ ދިވެހީން ބައިވެރިވިއެވެ.