ރާއްޖޭން އުކާލާ ޕްލާސްޓިކް ބޭނުންކޮށްގެން މަޝްހޫރު ބޫޓު ކުންފުނި "އެޑިޑާސް" އިން ހެދި ތިމާވެއްޓާ ރައްޓެހި ބޫޓު މިމަހުގެ މެދު ތެރޭގައި ބާޒާރަށް ނެރެން ނިންމާފައިވާ ކަމަށް އެ ކުންފުނިން ބުނެފި އެވެ.
އެޑިޑާސް އާއި ދުނިޔޭގެ ކަނޑުތައް ހިމާޔަތްކުރުމަށްޓަކައި މަސައްކަތްކުރާ އަމިއްލަ ޖަމްއިއްޔާއެއް ކަމަށްވާ "ޕާލޭ ފޮ ދަ އޯޝަން" އާ ގުޅިގެން ތިމާވެއްޓާ ރައްޓެހި ބޫޓެއް ހަދަން ނިންމާފައިވާކަން އިއުލާންކުރީ މިދިޔަ އަހަރުގެ ޖޫން މަހު ނިއު ޔޯކުގައި ބޭއްވި އދ. ގެ ބައްދަލުވުމެއްގައެވެ.
ރާއްޖޭން އުކާލާ ޕްލާސްޓިކުން އުފެއްދި ބޫޓު
'ޑީޕް ސީ ގިލް ނެޓުތަކެއް' ކަނޑުން ނަގައިގެން ތައްޔާރުކުރާ އެ ބޫޓުގެ އަރިމަތީގައާއި މަތީގައި ބޭނުން ކޮށްފައި ހުންނާނީ ގިލް ނެޓެވެ. އަދި ބޫޓުގެ ފޫ ތައްޔާރުކޮށްފައިވަނީ ސަސްޓެއިނެބަލް ކުޝަނިން މެޓީރިއަލް އިންނެވެ.
ގިލް ނެޓު ބޭނުން ކޮށްގެން މަސްވެރިކަން ކުރުމަކީ ގާނޫނާ ހިލާފު އަމަލަކަށް ވާއިރު އެ ގޮތަށް މަސްވެރިކަން ކޮށްގެން ގިނަ ދާތަކެއް ވަނީ ކަނޑަށް އެޅިފައެވެ.
ރާއްޖޭން އުކާލާ ޕްލާސްޓިކުން އުފެއްދި ބޫޓު
ޖަރުމަނުގެ ސްޕޯޓްސްވެއާ އުފައްދާ އެޑިޑާސް އިން ބުނި ގޮތުގައި، ތިމާވެއްޓާ ރަހުމަތްތެރި ގޮތަކަށް ތައްޔާރުކޮށްފައިވާ އެ ބޫޓު މިމަހުގެ މެދުތެރޭގައި ފިހާރަތަކުންނާއި އޮންލައިން ކޮށް ގަންނަން ލިބޭނެ އެވެ. ނަމަވެސް މިއަހަރު އުފައްދާނީ އޭގެ އެންމެ 7000 ބޫޓު ކަމަށް އެ ކުންފުނިން ބުނެ އެވެ.
ނަމަވެސް އެ ބޫޓު ވިއްކާނެ އަގެއް އަދި އެޑިޑާސް އިން ހާމަކޮށްފައެއްނުވެ އެވެ. ކުންފުނީގެ އަމާޒަކީ އަންނަ އަހަރު އޭގެ އެއް މިލިއަން ބޫޓު އުފައްދައި ވިއްކުމެވެ.
ރާއްޖޭން އުކާލާ ޕްލާސްޓިކުން އުފެއްދި ބޫޓުގައި ބޭނުންކުރާ 'ޑީޕް ސީ ގިލް ނެޓުތަކެއް' ---