މިދިޔަ ބުރާސްފަތި ދުވަހު ރާއްޖެއިން ފުރަން އުޅުނު ފަތުރުވެރިއެއްގެ އަތުން ފިސްތޯލައެއް ފެނުނު މައްސަލައެއް ފުލުހުން ތަހުގީގު ކުރަން ފަށައިފި އެވެ.
ފުލުހުންގެ މީޑިއާ އޮފިޝަލް ސަން އަށް ވިދާޅުވީ ބަލަމުންދަނީ ރާއްޖެ އިން ފުރަން އުޅުނު ފަތުރުވެރިއެއްގެ އަތުން ސްޕޯޓްސް ޝޫޓިން ރޭޏްޖުތަކުގައި ބޭނުންކުރާ ވައްތަރުގެ ފިސްތޯލައެއް ފެނުނު މައްސަލައެއް ކަމަށެވެ.
އޮފިޝަލް ވިދާޅުވީ ފެނިފައި ވަނީ ހަމައެކަނި ފިސްތޯލަ ކަމަށާއި، ވަޒަން ނުވަތަ މެގަޒިނެއް ފެނިފައި ނުވާ ކަމަށެވެ.
ފުލުހުން މިހާރު އެ މައްސަލަ ބަލަމުންދާތީ އިތުރު ތަފްސީލެއް ދެވެން ނެތް ކަމަށް އޮފިޝަލް ވަނީ ވިދާޅުވެފަ އެވެ.
އެ ފަތުރުވެރިޔާ ރާއްޖެ އައިސްފައި ވަނީ ޖެނުއަރީ 14 ވަނަ ދުވަހު ކަމަށް ވެއެވެ.