އައިޖީއެމްއެޗްގެ އައިސީޔޫގައި ފަރުވާ ހޯއްދެވުމަށް ފަހު އިތުރު ފަރުވާ އަށް ހިތަދޫ މެދު ދާއިރާގެ މެމްބަރު އިބްރާހިމް މުހައްމަދު ދީދީ އިންޑިއާ އަށް ވަޑައިގެންފި އެވެ. މެމްބަރު ދީދީ އިންޑިޔާ އަށް ވަޑައިގެންފައި ވަނީ މީގެ ހަތަރު ދުވަސް ކުރިން ނެވެ.
އެމްޑީޕީގެ މަޖިލިސް މެމްބަރަކު ވަނީ މިކަން ސަން އަށް ކަށަވަރުކޮށްދެއްވާފަ އެވެ.
އައިޖީއެމްއެޗްގެ މީޑިއާ ކޯޑިނޭޓާ ޒީނަތު އަލީ ހަބީބު މިއަދު ސަން އަށް ވިދާޅުވީ އިބްރާހިމް ދީދީ އައިސީޔޫ އިން ދޫކޮށްލައްވާފައި ވަނީ މީގެ ހަތަރު ދުވަސް ކުރިން ކަމަށާއި ދޫކޮށްލެއްވީ އާއިލާއިން އެކަމަށް އެދުމުން ކަމަށެވެ.
އައިޖީއެމްއެޗްގެ އައިސީޔޫގައި އިބްރާހިމް ދީދީ އަށް ފަރުވާދީފައި ވަނީ މޭގަ ރިއްސުމަށް ކަަމަށް ޒީނަތު ވިދާޅުވި އެވެ.
ކްރިމިނަލް ކޯޓްގެ ޣާޒީ އަބްދުﷲ މުހައްމަދު ހައްޔަރު ކޮށް ގިރިފުށީގައި ބެހެއްޓި މައްސަލާގައި ޓެރަރިޒަމްގެ ދައުވާ އުފުލާފައިވާ މީހުންގެ ތެރޭގައި އިބްރާހިމް މުހައްމަދު ދީދީ ވެސް ހިމެނެ އެވެ.
date_range
އާދިއްތަ 22 ޑިސެމްބަރ 2024