މަޝްހޫރުވިޔަފާރިވެރިޔާ ޗަމްޕާ މުޙައްމަދު މޫސާ ( އުއްޗު) އާއި އެކު ޖުމްހޫރީ ޕާޓީގެ ލީޑަރު ގާސިމް އިބުރާހީމް ވަގުތުކޮޅެއް ހޭދަކުރައްވައިފިއެވެ.
އުއްޗުގެ އަރިސް ބޭފުޅަކު މިއަދު 'ސަން' އަށް ވިދާޅުވީ ރޭ 12 ޖަހާ އެހާކަށް ހާއިރު ގާސިމް ދިޓީވީގެ އިދާރާއަށް ވަޑައިގެން އުއްޗުއާއި އެކު އިންނެވިތަން ދެކެވަޑައިގެންނެވި ކަމަށެވެ. އެއީ ހަމަ ރަހުމަތްތެރި ކަމުގެ ބައްދަލުކޮށްލެއްވުމެއް ކަން އެނގިވަޑައިގެންފައިވާ ކަމަށް ވެސް އޭނާ ވިދާޅުވިއެވެ.
"... އަޅުގަނޑަށް އެނގިފައި އޮތީ އެއީ ދެން ހަމަ ރަހުމަތްތެރިކަމުގެ ބައްދަލުކޮށްލެއްވުމެއްކަން. ދެން އާއްމު ކަމެއް ދެއްތޯ، " އޭނާ ވިދާޅުވިއެވެ.
މިއަދަކީ ދިޓީވީގެ ސީއީއޯގެ މިދުހަތު އާދަމްގެ އުފަން ދުވަސް ކަމަށް ވާތީ 12 ޖެހި އިރު އެކަމުގެ އުފަލުގައި ގާސިމް އާއި އުއްޗު ކޭކެއް ފަޅުއްވައިދެއްވި ކަމަށް ވެސް އޭނާ ވިދާޅުވިއެވެ.
ގާސިމާއި އުއްޗުއަކީ ސިޔާސީ ގޮތުން ވަރަށް ބޮޑަށް ޚިޔާލު ތަފާތު ދެބޭފުޅުން ކަމަށް އެބޭފުޅުންގެ އެކުވެރިކަމަށް އެކަމުން ކިލަނބުކަމެއް ނާދެއެވެ. އެގޮތުން އެއްބޭފުޅަކު އަނެއް ބޭފުޅަކަށް އަބަދުވެސް އެހީތެރިވެވަޑައިގަންނަވާ ކަން ވަނީ އެނގިފައެވެ.
date_range
ހުކުރު 27 ޑިސެމްބަރ 2024