އިނގިރޭސިވިލާތުގެ ޗެލްސީއަށް ކުޅެމުން އަންނަ ފޯވަޑް ޑިއޭގޯ އިނގިރޭސިވިލާތުގެ ޗެލްސީއަށް ކުޅެމުން އަންނަ ފޯވަޑް ޑިއޭގޯ ކޮސްޓާ މުޅިން ފިޓްވެއްޖެ ކަމަށް އެޓީމުގެ މެނޭޖަރު ޖޯސޭ މޮރީނިއޯ ބުނެފި އެވެ.
އަނިޔާގެ ސަބަބުން ސްޕެއިން އެންމެ ފަހުން ކުޅުނު ބައިނަލްއަގުވާމީ ރަހުމަތްތެރިކަމުގެ ދެ މެޗުގައިވެސް ސްކޮޑުން ބާކީކޮށްފައިވާ ކޮސްޓާ އަނިޔާ އިން ރަނގަޅުވެ އެނބުރި ޓީމާއި ގުޅިއްޖެ ކަމަށް މޮރީނިއޯ ވަނީ ބުނެފަ އެވެ. އަދި މިދިޔަ ހަފްތާގައި ކޮސްޓާ އަރާމު ކުރީ ކަމަށާއި ނަމަވެސް ޗެލްސީގެ ފިޒިއޯ އާއެކީ ކޮސްޓާ ޓްރެއިނިންގްތަކެއް ހެދި ކަމަށެވެ.
"ކޮސްޓާ މިހާރު މުޅިން ފިޓްވެއްޖެ. އޭނާ މި ދުވަސްތަކުގައި އުޅުނީ އަރާމުކުރުމުގެ ތެރޭގައި. އެކަމަކު މި ދުވަސްތަކުގައި ވެސް ޓީމުގެ ފިޒިއޯ އާއެކު އޭނާ މަސަތްކަތް ކުރި،" މޮރީނިއޯ ބުންޏެވެ.
މޮރީނިއޯ ބުނީ ކޮސްޓާ އަކީ ހިތްވަރުގަދަ ކުޅުންތެރިއެއް ކަމަށާއި އަނިޔާ އިން އެނބުރި އައުމަށް އޭނާ ވަރަށް ބޮޑަށް މަސަތްކަތް ކޮށްފައިވާ ކަމަށެވެ. އަދި ކޮސްޓާ މިހާރު މިސްރާބު ޖަހައިފައި ވަނީ ރަނގަޅު ދިމާލަކަށް ކަމަށާއި އޭނާގެ ފަރާތުން ދެން މޮޅު އަދި ތަފާތު ކުޅުމެއް ފެންނާނެ ކަމަށެވެ.
"މިދުވަސްތަކުގައި ކޮސްޓާ ވަނީ އޭނާ އަށް ލިބިފައިވާ އަނިޔާ އިން ސަލާމަތްވުމަށް ވަރަށް ބޮޑަށް މަސަތްކަތް ކޮށްފައި. އޭނާ އަކީ ހިތްވަރުގަދަ ކުޅުންތެރިއެއް. މިހާރު އޭނާ މިސްރާބު ޖަހައިފައި ވަނީ ރަނގަޅު ދިމާލަކަށް. ހީވަނީ ކޮސްޓާގެ ފަރާތުން ދެން މޮޅު އަދި ތަފާތު ކުޅުމެއް ފެނިގެން ދާނެހެން، އެއީ އަހަރުމެން އެންމެންގެ ވެސް އުއްމީދު،" މޮރީނިއޯ ބުންޏެވެ.
އުމުރުން 26 އަހަރުގެ ސްޕެއިން ކުޅުންތެރިއާ ވަނީ މި ސީޒަންގައި ޗެލްސީއާ ގުޅުމަށް ފަހު ގިނަ ލަނޑުތަކެއް ޖަހައިދީ މޮޅު ކުޅުމެއް ދައްކާފަ އެވެ.
date_range
ބުރާސްފަތި 16 ޖެނުއަރީ 2025